నాగార్జున ‘కుబేర’ సినిమా నుంచి రష్మిక లుక్ రిలీజ్ చేసి ఆసక్తిని పెంచేసిన మేకర్స్! (పోస్ట్)

దిశ, సినిమా: టాలీవుడ్ స్టార్ హీరోయిన్ రష్మిక మందన్నా వరుస సినిమాలతో దూసుకుపోతుంది. తెలుగు, హిందీ అనే తేడా లేకుండా అన్ని సినిమాలకు గ్రీన్ సిగ్నల్ ఇస్తూ స్టార్ బ్యూటీగా ఇండస్ట్రీలో కొనసాగుతోంది. ప్రజెంట్ ఈ అమ్మడు పుష్ప-2 షూటింగ్‌లో ఫుల్ బిజీగా ఉంది. అలాగే అక్కినేని నాగార్జున, ధనుష్ కాంబోలో వస్తున్న తాజా చిత్రం ‘కుబేర’ లోనూ నటిస్తోంది. దీనికి శేఖర్ కమ్ముల దర్శకత్వం వహిస్తుండగా.. సోనాల్ నారంగ్ ప్రజెంట్స్, శ్రీ వెంకటేశ్వరా సినిమాస్ ఎల్ఎల్‌పీ బ్యానర్స్‌పై సునీల్, పుస్కుర్ రామ్ మోహన్ రావు కలిసి నిర్మిస్తున్నాడు.

అయితే ఈ మూవీ తెలుగు, తమిళంలో షూటింగ్ జరుగుతున్నట్లు తెలుస్తోంది. ఇప్పటికే కుబేర నుంచి విడుదలైన నాగ్, ధనుష్‌ల ఫస్ట్ లుక్ పోస్టర్ భారీ అంచనాలు పెంచేశాయి. తాజాగా, రష్మిక లుక్‌ను మేకర్స్ విడుదల చేశారు. అందులో పింక్ కలర్ డ్రెస్ ధరించి బ్లూ కలర్ సూట్‌కేస్ లాక్కెళ్తున్నట్లు ఉంది. అయితే నేషనల్ క్రష్ ఫస్ట్ లుక్ పోస్టర్‌ను జూలై 5న విడుదల చేస్తామని ప్రకటించారు. ప్రస్తుతం ఈ పోస్టర్ వైరల్ అవుతుండగా.. అది చూసిన నెటిజన్లు క్వీన్ అంటూ ప్రశంసలు కురిపిస్తున్నారు. జూలై 5న విడుదలయ్యే పోస్టర్‌పై ఫ్యాన్స్‌లో మరింత ఆసక్తి పెరిగింది. దీంతో ఆమె ఏ క్యారెక్టర్ కూడా రివీల్ చేస్తే బాగుంటుందని రిక్వెస్ట్ చేస్తున్నారు.