ప్రేక్షకుల్లో ఆసక్తిరేపుతున్న ‘సత్తిగాని రెండెకరాలు’ టీజర్‌

దిశ, సినిమా : కొంతకాలంగా స‌రికొత్త కంటెంట్‌తో ప్రేక్షకులను ఆక‌ట్టుకుంటున్న తెలుగు ఓటీటీ మాధ్యమం ‘ఆహా’.. మరో కామెడీ మూవీతో అలరించనుంది. ఆహా, మైత్రీ మూవీ మేక‌ర్స్ సంయుక్త నిర్మాణంలో అభినవ్ దండా తెరకెక్కించిన సినిమా ‘సత్తిగాని రెండు ఎక‌రాలు’. కేశ‌వ్ హీరోగా నటించిన ఈ చిత్రం మార్చి 17 నుంచి ఆహాలో స్ట్రీమింగ్ కాబోతున్న సందర్భంగా టీజ‌ర్‌ రిలీజ్ చేశారు మేకర్స్.

ఈ సందర్భంగా మాట్లాడిన దర్శకనిర్మాతలు.. ‘‘సత్తిగాని రెండెకరాలు’ మా మనసుకు దగ్గరైన కథ. ఇంట్రెస్టింగ్ ఎలిమెంట్స్‌ను మిక్స్ చేసి స్క్రిప్ట్ చేశాం. ఎమోష‌న్స్‌, కామెడీ, ట్విస్టులున్న ఇలాంటి కథను స్క్రీన్‌ మీదకు ఎక్కించడం చాలెంజింగ్‌గా అనిపించింది. లైఫ్ గొప్పత‌నం ఏమిట‌నేది చెబుతూనే, అప్పడప్పుడు అనుకోకుండా జ‌రిగే కొన్ని ఘటనలు కొంద‌రి జీవితాలను ఎలా మారుస్తాయనే విషయాన్ని ఈ చిత్రంలో చూపించాం. తప్పకుండా అన్ని వర్గాలవారికి నచ్చుతుందని భావిస్తున్నాం’ అన్నారు.

ఇవి కూడా చదవండి : ఇన్‌టెన్స్ ఎమోష‌న‌ల్ డ్రామా.. మార్చి 22న వస్తున్న ‘గీత సాక్షిగా’