Maamannan : సక్సెస్ మీట్‌ నిర్వహించిన ‘మామన్నన్‌’ మూవీ టీం..
తమిళ స్టార్ హీరో ఉదయనిధి స్టాలిన్ నటించిన తాజా చిత్రం ‘మామన్నన్‌’ ఉహించని స్థాయిలో విజయం సాధించింది. సెల్వరాజ్‌ దర్శకత్వంలో తెరకెక్కిన ఈ సినిమాలో కీర్తి సురేష్‌, హాస్య నటుడు వడివేలు, ఫహాద్ ఫాజిల్ ప్రధానపాత్ర పోషించారు.
దిశ, సినిమా: తమిళ స్టార్ హీరో ఉదయనిధి స్టాలిన్ నటించిన తాజా చిత్రం ‘మామన్నన్‌’ ఉహించని స్థాయిలో విజయం సాధించింది. సెల్వరాజ్‌ దర్శకత్వంలో తెరకెక్కిన ఈ సినిమాలో కీర్తి సురేష్‌, హాస్య నటుడు వడివేలు, ఫహాద్ ఫాజిల్ ప్రధానపాత్ర పోషించారు. ఇక గత నెల 29న విడుదలైన ఈ మూవీ తమిళనాడు, కేరళ, ఓవర్సీస్‌తో కలుపుకుని ఇప్పటి వరకు రూ.52 కోట్ల మేరకు గ్రాస్‌ వసూళ్లు సాధించింది. దీంతో తాజాగా చిత్ర యూనిట్.. సక్సెస్ మీట్‌ను నిర్వహించింది. ఇందులో భాగంగా హీరో మాట్లాడుతూ.. ‘ఈ మూవీని ఇంత సక్సెస్ చేసినందుకు అందరికీ ధన్యవాదాలు. చెప్పాలంటే నా కెరీర్‌లో అత్యధిక వసూళ్లు సాధించిన చిత్రమిది. త్వరలోనే తెలుగులో ‘నాయకుడు’ పేరుతో రిలీజ్‌ చేస్తున్నాం. అక్కడ కూడా విజయం సాధిస్తుందని భావిస్తున్నాం. ప్రతి ఒక్కరూ సినిమా కోసం ప్రాణం పెట్టి పనిచేశారు. మారి సెల్వరాజ్‌ అండ్ అసిస్టెంట్స్‌కు ధన్యవాదాలు’ అంటూ తెలిపాడు. చివరగా నటుడు వడివేలు మాట్లాడుతూ.. ‘నేను నా కెరీర్‌లో నవ్వకుండా, నవ్వించకుండా నటించిన ఏకైక చిత్రం ‘మామన్నన్‌’. ఇలాంటి కథలో నటించేందుకు ముందుకు వచ్చిన ఉదయ నిధికి హ్యాట్సాఫ్‌’ చెప్పారు.