ఫ్యామిలీ షోకు హోస్ట్‌గా మాస్ కా దాస్.. ప్రోమో వైరల్

దిశ, సినిమా: ఎలాంటి అడల్ట్ కంటెంట్ లేకుండా వరుస ఫ్యామిలీ మూవీస్‌తో పలు షోస్‌తో దూసుకుపోతుంది ఓటీటీ సంస్థ ‘ఆహా’. ‘అన్ స్టాపబుల్’ టాక్ షో అంటూ నందమూరి బాలకృష్ణను హోస్ట్‌గా పెట్టి సూపర్ సక్సెస్ సాధించింది. ఇక ఇప్పుడు సరికొత్త షో అనౌన్స్ చేశారు. ఈ షోకు విశ్వక్ సేన్ హోస్ట్‌గా వ్యవహరిస్తున్నారు. ఆగస్టు 15 ఇండిపెండెన్స్ డే సందర్భంగా ఈ విషయాన్ని అధికారికంగా ప్రకటించారు మేకర్స్. షోకు సంబంధించిన ప్రోమో కూడా రిలీజ్ చేశారు. ఈ ప్రోమోలో ‘అందరికీ నమస్తే.. వెల్ కమ్ టు మోస్ట్ ఎంటర్టైనింగ్ ఫ్యామిలీ షో ఫ్యామిలీ ధమాకా ఇది దాస్ ఇలాకా’ అంటూ విశ్వక్ సేన్ తన స్టైల్‌లో డైలాగ్ చెప్పాడు. మొదటిసారి హోస్టింగ్‌గా విశ్వక్ చాలా జోష్‌గా కనిపించాడు. ఇక షో కాన్సెప్ట్, స్ట్రీమింగ్ ఎప్పటినుంచి అనే వివరాలు త్వరలో తెలియాల్సివుంది.

Read More:    Samantha : విజయ్ దేవరకొండతో సమంత డ్యాన్స్.. ఫైర్ అవుతున్న ఫ్యాన్స్