గ్రాండ్‌గా జరిగిన 'బ్రహ్మవరం: పీఎస్ పరిధిలో' ఫస్ట్ లుక్ ఈవెంట్!

దిశ, సినిమా: సమ్మెట గాంధీ, ప్రేమ్ సాగర్, రూపా లక్ష్మి, స్రవంతి, హర్షిణి, గురు చరణ్, సూర్య ప్రధాన పాత్రల్లో నటించిన మూవీ 'బ్రహ్మవరం'. పీఎస్ పరిధిలో అనే ట్యాగ్ లైన్‌తో ఇమ్రాన్ శాస్త్రీ తెరకెక్కించిన చిత్రాన్ని డ్రీమ్జ్ ఆన్ రీల్జ్ నిర్మించగా తాజాగా ఫస్ట్ లుక్ రిలీజ్ చేశారు మేకర్స్. ఈ మేరకు ఏర్పాటు చేసిన ఈవెంట్‌లో మాట్లాడిన డైరెక్టర్.. 'సమ్ టైమ్స్ మిస్టేక్స్ బ్రింగ్ జస్టిస్'. కొన్నిసార్లు మనం చేసే తప్పులు జస్టిస్‌ను ఎలా తీసుకొస్తాయనేది మా సినిమా చూస్తే పూర్తిగా అర్థమవుతుంది' అన్నారు.

అలాగే మంచి కంటెంట్‌తో వస్తున్న ఈ సినిమా ప్రేక్షకులందరినీ అలరిస్తుందనే నమ్మకం ఉందని సమ్మెట గాంధీ చెప్పగా.. ఫ్యామిలీ సబ్జెక్ట్ ఉన్న సినిమాను చిన్న సినిమా అని చూడకుండా సమాజానికి పనికివచ్చే చిత్రంగా భావించి చూడాలని ప్రేమ్ సాగర్ కోరాడు. ఇక ముజీర్ మాలిక్, బెల్లం కొండ స్రవంతి, సూర్య, సాకేత్ సాయిరామ్, గురు మాట్లాడుతూ.. ఇందులో ఒక్క సస్పెన్స్ ఎలిమెంట్స్ మాత్రమే కాకుండా అన్ని వర్గాల వారికి నచ్చే విధంగా తెరకెక్కించారని, మంచి కంటెంట్‌తో వస్తున్న ఈ సినిమా ప్రేక్షకులను అలరిస్తుందన్నారు.