‘ఓజీ’ తీసుకునే నిర్ణయం మైండ్ బ్లోయింగ్‌గా ఉండబోతుందన్న డైరెక్టర్..!

దిశ, వెబ్‌డెస్క్: పవర్ స్టార్ పవన్ కల్యాణ్.. సుజిత్ దర్శకత్వంలో తెరకెక్కుతోన్న ‘ఓజీ’ చిత్రంపై ప్రేక్షకులు భారీ అంచనాలు పెంచేసుకున్నారు. గ్యాంగ్ స్టర్ నేపథ్యంతో రూపొందుతున్న సినిమా కావడంతో.. అలాగే ఇప్పటికే విడుదలైన టీజర్ అదిరిపోయేలా ఉండటంతో పవన్ ఫ్యాన్స్‌కు ఈ మూవీపై మరింత ఆసక్తి నెలకొంది. ఇందులో ముంబయికు చెందిన గ్యాంగ్ స్టర్‌గా పవన్ కనిపించబోతున్నారు. టీజర్‌లో ఈయన లుక్, యాక్షన్ మైండ్ బ్లోయింగ్‌గా ఉంది. ప్రస్తుతం ఈ స్టోరీకి సంబంధించిన విషయాలు సోషల్ మీడియాలో వైరల్ అవుతున్నాయి.

ఈ మూవీ ప్రధానంగా 1980లో సాగుతుందట. ముంబయి బ్యాక్‌ డ్రాప్‌లో సాగే ఇందులో సాధారణ కుర్రాడు ముంబయికి వచ్చి గ్యాంగ్‌ స్టర్‌గా ఎలా ఎదిగాడు? ఎందుకు గ్యాంగ్‌ స్టర్‌ అయ్యాడు? అనేదే ఈ సినిమా స్టోరీ అని టాక్ వినిపిస్తుంది. మాఫియాలోకి వెళ్లడానికి దారితీసిన అంశాలు ఏంటి అనేవి ఇందులో హైలైట్‌గా చూపించబోతున్నారట. ఇది గ్యాంగ్‌ స్టర్‌ మూవీ అయినప్పటికీ.. ఫ్యామిలీ ఎలిమెంట్లు కూడా ఉంటాయని తాజాగా వార్తలు వస్తున్నాయి. మరోవైపు పవన్‌ పాత్రలో పెద్ద మలుపు ఫ్యామిలీ అంశాల వల్లే అని, మాఫియా కారణంగా పవన్ కుటుంబానికీ ఏమైంది? దీంతో ఓజీ తీసుకునే నిర్ణయం మైండ్ బ్లోయింగ్‌గా ఉండనుందని.. దీంతో సినిమా కథే మారిపోతుందని, దర్శకుడు సుజిత్ పవన్‌ను నెక్ట్స్ లెవల్‌లో చూపించనున్నారని సమాచారం. కాగా ఈ చిత్రం వచ్చే ఏడాది సమ్మర్‌‌లో రిలీజ్ చేసే అవకాశాలున్నట్లు తెలుస్తోంది.