‘దసరా’లో సిల్క్ స్మిత పోస్టర్ పెట్టడానికి అదే కారణమట!

దిశ, సినిమా: నాని, కీర్తి సురేష్ జంటగా నటించిన తాజా చిత్రం ‘దసరా’. శ్రీకాంత్ ఓదెల దర్శకత్వంలో తెరకెక్కిన ఈ మూవీ మార్చి 30న రిలీజ్ కానుంది. అయితే ఈ సినిమా నుంచి రిలీజ్ అయిన మొదటి పోస్టర్‌లో సిల్క్ స్మిత పోస్టర్ కనిపించడం చర్చనీయాంశమైంది. తాజా ఇంటర్వ్యూలో దర్శకుడు శ్రీకాంత్ ఓదెల దీనిపై క్లారిటీ ఇచ్చాడు. ‘నేను చిన్నతనంలో సింగరేణి ప్రాంతంలో పెరిగాను. మా తాతయ్యకు కల్లు తాగే అలవాటు ఉంది. ఆయన కోసం రోజు కల్లు దుకాణం వెళ్లి ఓ డబ్బా తీసుకొచ్చేవాడిని. అక్కడ నన్ను సిల్క్ సిత్మ పోస్టర్ బాగా ఆకర్షించింది. అప్పటికే ఆమె ఒక హీరోయిన్ అని తెలియదు. చాలా సంవత్సరాల పాటు ఆ పోస్టర్‌ను చూడాటానికే అక్కడకు వెళ్లేవాడిని. అదే అభిమానంతో ‘దసరా’లో సిల్క్ బార్ అనే బార్ షాపులో ఆమె పోస్టర్‌ను చూపెట్టాను. ఆమోకు ఈ రూపంలో నివాళి అర్పిస్తున్నా’ అని చెప్పుకొచ్చాడు.

ఇవి కూడా చదవండి: jhanvi Kapoor: కంగారులో తారక్‌ను అలా పిలిచిన జాన్వీ