థమన్ ఎంత బలవంతపెట్టిన ఆ విషయంలో చాన్స్ ఇవ్వని Sreeleela..!

దిశ, సినిమా: టాలీవుడ్ యంగ్ సెన్సేషనల్ హీరోయిన్ శ్రీలీల గురించి సుపరిచితమే. ఈ బ్యూటీ డాన్స్ గురించైతే ఇక ప్రత్యేకంగా చెప్పనవసరం లేదు. ఓ రేంజ్‌లో దిమ్మతిరిగే స్టెప్పులేస్తూ ప్రేక్షకులను కట్టిపడేస్తుందనుకోండి. రీసెంట్‌గా ప్రముఖ డాన్స్ మాస్టర్‌తో డాన్స్ సమానంగా స్టెప్పులేసి.. శేఖర్ మాస్టర్‌నే మించిపోయావ్‌గా శ్రీలీల అంటూ నెట్టింట ప్రశంసలు అందుకుంది. సూపర్ మహేష్ బాబు సైతం నిన్న గుంటూరు‌లో నిర్వహించిన గుంటూరు కారం ప్రీరిలీజ్ ఈవెంట్‌లో ఈ అమ్మడు డ్యాన్స్ గురించి పొగిడారు. శ్రీలీలతో డ్యాన్స్ అంటే హీరోలకు తాట ఊడిపోతుందని సరదాగా కామెంట్ చేశారు. అయితే ఈ ఈవెంట్‌తో టాలీవుడ్ స్టార్ మ్యూజిక్ డైరెక్టర్ శ్రీలీలతో స్టేజి మీద పాట పాడించి.. కుర్చీ మడతపెట్టి స్టెప్పులేపించాలని బాగా ట్రై చేశాడు. కానీ ఈ బుట్టబొమ్మ మాత్రం థమన్‌కు అస్సలు చాన్స్ ఇవ్వలేదు. 'కూ కూ కూ.. అని ముందు వచ్చే లైన్ హమ్ చేశారు అంతే పాట మాత్రం పాడలేదు. డాన్స్ చేయలేదు.