Trisha 'Brinda' :భయానకంగా త్రిష ‘బృంద’ ట్రైరల్..

దిశ, సినిమా: సౌత్ క్వీన్ త్రిష ప్రధాన పాత్రలో నటిస్తున్న క్రైమ్ థిల్లర్ వెబ్ సిరీస్ ‘బృంద’. సోనీ లివ్‌లో ఆగస్టు 2 నుంచి స్ట్రీమింగ్ కానున్న ఈ సిరీస్ తెలుగుతో పాటు తమిళ్, కన్నడ, మలయాళం, మరాఠీ, బెంగాలీ హిందీ భాషల్లోనూ ఆకట్టుకోనుంది. ఇక రిలీజ్ సమయం దగ్గరకావడంతో తాజాగా ట్రైలర్ రిలీజ్ చేశారు చిత్ర బృందం. ‘తొమ్మిదేళ్ల నుంచి ఏమైయ్యారు మీరంతా.. నేను లేకుండా ఈ కేసుని మీరు సాల్వ్ చేస్తామ‌నుకుంటున్నారా! చెయ్యండి.. చెయ్యండి చూద్దాం’ అని త్రిష డైలాగ్‌తో స్టార్ట్ అయినా ఈ ట్రైలర్‌లో.. హీరోయిన్ (త్రిష) ప‌నిచేసే చోట ఎదుర్కొనే అవ‌మానాల‌ను, సూటిపోటి మాట‌ల‌ను స‌న్నివేశాల రూపంలో చ‌క్కగా చూపించారు. అంతే కాకుండా ఎక్కడో మారుమూల ప్రాంతాల్లో చీక‌టి ప‌డిన త‌ర్వాత జ‌రిగే న‌ర బ‌లులు గురించి కూడా చూపించిన సన్నివేశాలు కొంచెం భయానకంగా ఉన్నాయి. ప్రజెంట్ ఈ ట్రైలర్ సోషల్ మీడియాలో విశేషంగా వైరల్ అవుతుంది.

ఇక కథ విషయానికి వస్తే.. అమ్మాయిలు పురుషాధిక్య ప్రపంచంలో రాణించ‌టం క‌ష్టం. అయితే కొంద‌రు మాత్రం అలాంటి క‌ష్ట న‌ష్టాల‌ను ఓర్చుకుని త‌మ‌దైన ముద్రను వేస్తుంటారు. అలాంటి అరుదైన అమ్మాయే బృంద‌. పోలీస్ డిపార్ట్‌మెంట్‌లో ఎస్సైగా చేరిన బృంద స‌మ‌స్యల‌ను చేదించ‌టానికి ప్రయ‌త్నిస్తుంది. అయితే అవి గిట్టని పై అధికారులు ఆమెను సూటి పోటీ మాట‌ల‌తో బాధ పెడుతుంటారు. అనుకోకుండా ఓ కేసు విష‌యంలో ఆమెను స‌స్పెండ్ కూడా చేస్తారు. అస‌లు బృంద‌ను డ్యూటీ నుంచి ఎందుకు స‌స్పెండ్ చేశారు.. ఆమెకు ఎద‌రైన స‌వాలేంటి? అనే విష‌యంపై ఈ స్టోరీ నడుస్తుంది.