క్రైమ్ థిల్లర్ సీక్వెల్‌లో తమన్నా.. అలాంటి పాత్రలో ఆకట్టుకోనున్న మిల్క్ బ్యూటీ

దిశ, సినిమా: మిల్కీ బ్యూటీ తమన్నా ప్రస్తుతం వరుస సినిమాలు, వెబ్ సిరీస్‌లతో బిజీగా ఉంటుంది. అంతే కాకుండా ఈ మధ్య లేడీ ఓరియెంటెడ్ సినిమాలపై ఫోకస్ పెట్టింది. ఈ క్రమంలో వచ్చిన చిత్రాలు మంచి విజయం సాధించగా.. ఇప్పుడు మరో లేడీ ఓరియెంటెడ్ సినిమాకు రెడీ అయింది ఈ బ్యూటీ. 2022లో వచ్చిన ‘ఓదెల రైల్వే స్టేషన్’ మూవీ అందరికీ గుర్తుండే ఉంటోంది. అశోక్ తేజ్ దర్శకత్వంలో వచ్చిన ఈ చిత్రంలో హెబ్బా పటేల్, పూజిత పొన్నాడ, వశిష్ఠ ప్రధాన పాత్రల్లో నటించారు. ఓదెల అనే గ్రామంలో కొత్తగా పెళ్లైన ఆడవాళ్లందరినీ చంపే సీరియల్ కిల్లర్ చుట్టూ ఈ కథ నడుస్తోంది. క్రైమ్ అండ్ థ్రిల్లర్‌గా ఆకట్టుకున్న ఈ మూవీలో హెబ్బా పటేల్ డీ గ్లామర్ రోల్‌లో మెప్పించింది. అయితే.. ఇప్పుడు ఈ సినిమాకు సీక్వెల్ రాబోతున్నట్లు తెలుస్తోంది.

‘ఓదెల 2’ అనే టైటిల్‌తో తెరకెక్కుతున్న ఇందులో.. ‘ఓదెల రైల్వేస్టేషన్‌’లో నటించిన వారితో పాటు తమన్న కూడా యాడ్ అయితోంది. ఓదెల మల్లన్న స్వామి ఒక గ్రామాన్ని దుష్ట శక్తుల నుంచి ఎలా రక్షిస్తాడు, ఇందులో తమన్న చేసే సన్నివేశాల చుట్టూ కథ తిరుగుతోందని తెలుస్తోంది. ప్రస్తుతం షూటింగ్ పనులు ప్రారంభించిన ఈ మూవీ నుంచి పోస్టర్‌ను రిలీజ్ చేశారు మేకర్స్. అయితే.. ఈ చిత్రం ‘ఓదెల రైల్వేస్టెషన్’ కు సీక్వెల్ కాదని మేకర్స్ తెలిపడం విశేషం. కాగా హెబ్బా పడేల్‌లాగా డీ గ్లామరస్‌గా తమ్ము బేబీ అలరిస్తుందా.. భయపెట్టే అంశాలు ఉంటాయా అని ఆడియెన్స్ ఎంతో ఆశక్తిగా ఎదురు చూస్తున్నారు.