యాంకరింగ్‌కు గుడ్ బై చెప్పనున్న సుమ.. న్యూఇయర్ వేడుకల్లో స్పష్టం

దిశ, వెబ్‌డెస్క్ : యాంకరింగ్ అంటే ముందుగా గుర్తు వచ్చే పేరు సుమా కనకాల. తన మాటలతో మాయ చేస్తోంది. ఇక ఏ సినిమా ఈ వెంట్ అయినా సరే, ఏ చిన్న ప్రోగ్రాం అయినా, ఆడియో ఫంక్షన్లైనా సరే సుమా ఉండాల్సిందే. కొన్ని సందర్భాల్లో స్టార్ హీరోస్ సైతం సుమా కోసం ఫంక్షన్లు వాయిదా వేసుకున్నారంటే తన క్రేజ్ అర్థం చేసుకోవచ్చు.

అయితే ఈ మధ్య కాలంలో సమాకు సంబంధించిన ఓ వార్త నెట్టింట్లో తెగ వైరల్ అవుతోంది. సమా త్వరలో యాంకరింగ్‌కు గుడ్ బై చెప్పబోతున్నట్లు చాలా వార్తలు వస్తున్నాయి. ఈ క్రమంలో మరో న్యూస్ నెట్టింట షికారు చేస్తోంది. న్యూ ఇయర్ రాబోతున్న సందర్భంగా ఈటీవీ వాళ్ళు వేర్ ఈజ్ ద పార్టీ అనే ఓ ఈవెంట్ ని ఏర్పాటు చేశారు. ఇక ఈ ప్రోగ్రాం లో యాంకర్ సుమని సన్మానించారు.

తర్వాత సుమా మాట్లాడుతూ.. తన జీవితంలోని సంఘటనల గురించి పంచుకుంది. అంతే కాకుండా చాలా ఎమోషనల్ అయ్యింది. అలాగే తనను ఈటీవి వారు పిలిచి సన్మానించడం పట్ల తాను కృతజ్ఞతలు తెలిపింది. ఇక యాంకరింగ్ గురించి మాట్లాడుతూ.. తాను కొన్ని రోజులు రెస్ట్ తీసుకోవాలని అనుకుంటున్నానని తెలిపింది. దీంతో సుమా యాంకరింగ్‌కు గుడ్ బై చెప్పబోతుంది. ఆ విషయాన్నే న్యూఇయర్ వేడుకల్లో స్పష్టం చేసిందని నెట్టింట్లో గుస గుసలు వినిపిస్తున్నాయి.