Pawan Kalyan: సినిమా చేస్తానని చెప్పి తర్వాత తిరస్కరించాడు.. పవన్ కల్యాణ్‌పై స్టార్ డైరెక్టర్ షాకింగ్ కామెంట్స్

దిశ, సినిమా: ఎస్‌జే సూర్య గురించి అందరికి తెలిసిందే. డైరెక్టర్‌గా సూపర్ హిట్ సినిమాలను అందించిన ఈయన.. నటుడిగా కూడా మంచి గుర్తింపు తెచ్చుకున్నాడు. వైవిద్యమైన పాత్రలు ఎంచుకుంటూ తనకంటూ స్పెషల్ ఇమేజ్‌ను క్రియేట్ చేసుకున్నాడు. ఈయన డైరెక్షన్‌లో వచ్చి సూపర్ హిట్ అందుకున్న చిత్రాల్లో ‘ఖుషి’ మొదిటి స్థానంలో ఉంటోంది. ఈ సినిమాతో ఆయన సక్సెస్ ఫుల్ స్టార్ డైరెక్టర్‌గా ఇండస్ట్రీలో పేరు తెచ్చుకున్నాడు. పవర్ స్టార్ పవన్ కల్యాన్ కెరీర్‌లోనే బిగ్గెస్ట్ హిట్‌గా ఈ చిత్రం నిలిచింది. అంతకు ముందు వరుస ప్లాప్స్‌తో సతమతమవుతున్న పవన్‌కు ఈ సినిమా స్టార్ ఇమేజ్‌ను తెచ్చిపెట్టడంతో పాటు.. మంచి కమ్‌బ్యాక్ ఇచ్చింది. అంత మంచి సక్సెస్ ఇచ్చిన ఎస్‌జే సూర్య మరో సినిమా కోసం పవన్ దగ్గరకు వెళ్తే.. ఆయన రిజెక్ట్ చేశారట. ఈ విషయాన్ని తాజాగా ఓ ఇంటర్వ్యూలో పాల్గొన్న సూర్య తెలిపాడు.

ఆయన మాట్లాడుతూ.. ‘‘ఖుషి’ తర్వాత పవన్ కల్యాణ్ కోసం ప్రత్యేకంగా ఓ సినిమా స్ర్కిప్ట్ రాశాను. ఆ మూవీ లాగే ఇది కూడా మంచి లవ్ స్టోరీ. పవన్ కల్యాణ్‌కు కూడా ఆ స్టోరీ బాగా నచ్చింది. కానీ అప్పటికే ఆయన వరుస చిత్రాలతో బిజీగా ఉన్నారు. రెండేళ్ల తర్వాత ఆ సినిమా స్టార్ట్ చేద్దాం అన్నారు. మళ్లీ ఆయన్ని కలిశాను. ఇకపై ప్రేమ కథలు చేయాలనుకోవడం లేదని కల్యాణ్ దాన్ని తిరస్కరించాడు. ఒకవేళ పవన్ ఆ సినిమా చేసుంటే అద్భుతంగా ఉండేది. కానీ లవర్ బాయ్‌గా కనిపించాలనే ఆసక్తి లేదన్నారు. ప్రజెంట్ ఆయన ఎన్నో లక్ష్యాలతో ముందుకెళ్తున్నారు’ అంటూ చెప్పుకొచ్చాడు.