‘థాంక్యూ’ సినిమాకి ఏడాది అంటూ SVC స్పెషల్ పోస్ట్.. పొట్టు పొట్టు తిడుతున్న నెటిజన్లు

దిశ, వెబ్ డెస్క్: ఇటీవల అక్కినేని నాగచైతన్య హీరోగా నటించిన చిత్రం ‘థాంక్యూ’. దీనికి విక్రమ్ కుమార్ దర్శకత్వం వహించగా.. రాశి ఖన్నా, మాళవిక నాయర్ హీరోయిన్లుగా నటించారు. శ్రీ వెంకటేశ్వర క్రియేషన్స్ బ్యానర్‌పై దిల్ రాజు, శిరీష్‌ నిర్మించిన ఈ సినిమా 2022 జూలై 22న భారీ అంచనాల మధ్య విడుదలై డిజాస్టర్‌గా నిలిచింది.

తాజాగా, ఈ సినిమా వచ్చి నేటితో ఏడాది పూర్తి అయిందని శ్రీ వెంకటేశ్వర క్రియేషన్స్ నిర్మాణ సంస్థ ట్వీట్ చేసింది. ‘మనం ఎక్కడ మొదలయ్యామో మర్చిపోతే, మనం చేరిన గమ్యానికి విలువ ఉండదు’ అని రాసుకొచ్చారు. అది చూసిన నెటిజన్లు డిజాస్టర్‌ని మళ్లీ గుర్తు చేసి ఎందుకు సంపుతున్నావు. చైతన్యకు ఈ సినిమా తర్వాత నుంచే బ్యాడ్ టైమ్ మొదలైందని కామెంట్లు చేస్తున్నారు.