నేను పెయింటర్‌ని కాదంటున్న హీరోయిన్.. అవకాశాలు లేక ఇలాంటి పనులు చేస్తున్నవంటూ నెటిజన్లు ట్రోల్స్!

దిశ, సినిమా: టాలీవుడ్ యంగ్ బ్యూటీ శ్రీలీల ప్రజెంట్ జోరు పెంచింది. ఈ మధ్య కాలంలో వరుస పరాజయాలు ఎదుర్కొన్నప్పటికీ అమ్మడు క్రేజ్ మాత్రం తగ్గడం లేదు. ‘ధమకా’ చిత్రం తర్వాత ఒక్క హిట్ అందుకోని ఈ అమ్మడు గ్రాఫ్ ఇక పడిపోయింది అనుకున్నారు అంతా. కానీ తెలుగుతో పాటు బాలీవుడ్‌లో కూడా ఆఫర్స్ అందుకుంటూ హల్ ఛల్ చేస్తుంది. శ్రీలీల చేతిలో ప్రజెంట్ పవన్ కల్యాణ్ ‘ఉస్తాద్ భగత్ సింగ్’ తో పాటు మరో రెండు మూడు చిత్రాలు ఉన్నట్లు తెలుస్తుంది. ఇక సినిమాలతోనే కాకుండా యాడ్స్ చేస్తూ కూడా దూసుకుపోతుంది.

దీంతో ఈ మధ్య కాలంలో హీరోయిన్‌పై ట్రోల్స్ కూడా బాగానే వచ్చాయి. సినిమా అవకాశాలు లేక ఇలాంటి పనులు చేస్తూ సంపాదించుకుంటున్నావా అంటూ ట్రోల్స్ చేశారు కొందరూ నెటిజన్లు. ఇక అలాంటి కామెంట్స్ పట్టించుకోని ఈ అమ్మడు మాత్రం.. యాడ్స్ చేస్తూనే, ఇన్‌స్టాలో గ్లామర్ షోతో రచ్చ చేస్తుంది. ఇందులో భాగంగా తాజాగా పలు ఫొటోస్ పంచుకుంటూ ‘నేను పెయింటర్‌ని కాదు.. కానీ మీకు చిత్రం వచ్చింది. ప్రేమికులకు గ్రేట్ డే’ అంటూ క్యాప్షన్ ఇచ్చింది శ్రీలీల. లెమన్ ఎల్లో శారీలో అందంగా ముస్తాబైన ఈ గ్లామర్ క్వీన్ పిక్స్ ప్రజెంట్ సోషల్ మీడియాలో వైరల్ కావడంతో.. ‘దేవతలా ఉన్నావు, సో క్యూట్’ అంటూ కామెంట్స్ పెడుతున్నారు నెటిజన్లు.