'సార్' మనతో చాలా కాలం పాటు ప్రయాణిస్తుంది: త్రివిక్రమ్ శ్రీనివాస్

దిశ, సినిమా: సితార ఎంటర్‌టైన్‌మెంట్స్, ఫార్చ్యూన్ ఫోర్ సినిమాస్ బ్యానర్లలో తెరకెక్కిన ద్విభాషా చిత్రం 'సార్'. శ్రీకర స్టూడియోస్ సమర్పిస్తున్న ఈ చిత్రానికి సూర్యదేవర నాగవంశీ, సాయి సౌజన్య నిర్మాతలు. వెంకీ అట్లూరి దర్శకత్వంలో ధనుష్, సంయుక్త జంటగా వస్తున్న చిత్రం ఫిబ్రవరి 17న విడుదల కానుంది. కాగా మూవీయూనిట్ నిర్వహించిన ప్రీరిలీజ్ ఈవెంట్‌కు ముఖ్య అతిథిగా హాజరైన త్రివిక్రమ్ శ్రీనివాస్.. 'గురువులకి ప్రాధాన్యతనిస్తూ, మహానుభావులకు నమస్కారం చెబుతూ సినిమా తీసిన వెంకీని మనస్పూర్తిగా అభినందిస్తున్నా.

టీచర్, స్టూడెంట్‌కి మధ్య ఉండే రిలేషన్ చాలా పవిత్రమైనది. అలాంటి విలువను చెప్పిన 'సార్' మనతో చాలాకాలం పాటు ప్రయాణించే సినిమా అవుతుంది. టీమ్ అందరికీ శుభాకాంక్షలు' అని తెలిపాడు. ఈ వేడుకలో నిర్మాత ఎస్.రాధాకృష్ణ, ఎస్.ఎస్. థమన్ తదితరులు పాల్గొనగా.. తమ సినిమాను ఆదరించి విజయవంతం చేయాలని దర్శకనిర్మాతలు కోరారు.

Also Read...

యూట్యూబ్ ఛానెల్‌ను ప్రారంభించిన చిరంజీవి (వీడియో)