Shruti Haasan : మళ్లీ అడ్డంగా దొరికిన శృతి హాసన్
ప్రముఖ సినీ నటి శృతి హాసన్ తన బోయ్ ఫ్రెండ్లో కలిసి బహిరంగంగా హగ్గులు, ముద్దులు ఇస్తూ మళ్లీ దొరికిపోయింది. ఈమె నిత్యం ఏదో ఒకరకంగా వార్త‌ల్లో నిలుస్తూనే ఉంటుంది.
దిశ, వెబ్డెస్క్ : ప్రముఖ సినీ నటి శృతి హాసన్ తన బోయ్ ఫ్రెండ్లో కలిసి బహిరంగంగా హగ్గులు, ముద్దులు ఇస్తూ మళ్లీ దొరికిపోయింది. ఈమె నిత్యం ఏదో ఒకరకంగా వార్త‌ల్లో నిలుస్తూనే ఉంటుంది. తాను నటించే సినిమాలతో ఎప్పడూ ప్రచారంలో ఉండే ఈ భామ మామూలు టైంలో కూడా తన ప్రియుడితో కలిసి చేసే రచ్చతో సోషల్మీడియాలో టాప్లో ఉంటుంది. క‌రోనా స‌మయం నుండి ఈ అమ్మ‌డు డూడుల్ ఆర్టిస్ట్ శాంత‌నుతో డేటింగ్ చేస్తుంది. వీరిద్ద‌రు కలిసి చేసే సంద‌డికి సంబంధించిన ఫొటోలు, వీడియోలు కూడా అప్పుడ‌ప్పుడు శృతి హాసన్ షేర్ చేస్తూ ఉంటుంది. ఇక తాజాగా ఈ ఇద్ద‌రూ ఓ ఎయిర్ పోర్ట్‌లో క‌నిపించారు. ప‌బ్లిక్‌గా హగ్గులు, ముద్దులు ఇచ్చుకుంటూ ఎయిర్‌పోర్ట్‌లో నానా ర‌చ్చ చేశారు. వీరిద్ద‌రికి సంబంధించిన ఫొటోలు ఇప్పుడు సోషల్ మీడియాని షేక్ చేస్తున్నాయి. ఆరుబయట ప్రియుడిని లిప్లాక్ చేసిన చిత్రాలు నెట్టింట హల్చల్ చేస్తున్నాయి. ఇవి చూసిన నెటిజ‌న్స్ బహిరంగంగా ఏమిటీ పనులు అంటూ తిట్టిపోస్తున్నారు.
శృతి హాసన్ గ‌తంలో ఓ విదేశీ వ్య‌క్తితో కూడా పీక‌ల్లోతు ప్రేమ‌లో ఉండి కొన్నాళ్ల పాటు సినిమాలు కూడా మానేసిన విషయం తెలిసిందే. క్రాక్ చిత్రంతో రీఎంట్రీ ఇచ్చిన ఈ భామ ఇక వ‌రుస స‌క్సెస్ లు సాధించి తన స‌త్తా చూపించింది. బాల‌కృష్ణ, చిరంజీవి చిత్రాల‌లో న‌టించి మంచి జోరు మీద ఉంది. ఇటు కుర్ర హీరోల‌తో అటు సీనియ‌ర్ హీరోల‌తో నటిస్తూ బిజీగా ఉంది. ప్రస్తుతం రెబ‌ల్ స్టార్ ప్రభాస్‌తో `సలార్‌` చిత్రంలో కూడా నటిస్తుంది. ప్రశాంత్‌ నీల్‌ దర్శకత్వంలో రూపొందుతున్న ఈ చిత్రం అత్యంత ప్ర‌తిష్టాత్మకంగా రూపొందుతుంది. ఒక‌వైపు తన ప్రియుడితో ఫుల్‌గా ఎంజాయ్ చేస్తూనే మ‌రోవైపు వ‌రుస సినిమాలు చేస్తుంది. లాక్డౌన్ సమయంలో ప్రియుడు శాంత‌నుతో మొదలుపెట్టిన రొమాన్స్ ఇప్పటి వరకూ కొనసాగిస్తూనే ఉంది. ఇటీవ‌ల వీరిద్ద‌రూ త‌రుచూ క‌లిసే క‌నిపిస్తున్నారు. కలిసి వెళ్ల‌డం, కలిసి తిన‌డం, ఇంట్లో ఉన్న‌ప్పుడు ప్రియుడి ఒళ్లో పడుకుని సేద తీర‌డం, తన ప్రియుడితో కలిసి ఫోజులు ఇస్తూ సోషల్ మీడియాలో నానా హంగామా చేస్తుంది. ఈమె ప్రస్తుతం ఏమి చేసినా కలిసొస్తుంది. దాంతో అమ్మడికి గుడ్టైం నడుస్తుందని నెటిజన్లు చెవులుకొరుక్కుంటున్నారు.
Read More..