LEO Movie: విజయ్ ఫ్యాన్స్‌కు షాక్.. మల్టీప్లెక్స్‌లో ‘లియో’ రిలీజ్ లేదు..!

దిశ, వెబ్‌డెస్క్: కోలీవుడ్ స్టార్ హీరో దళపతి విజయ్, డైరెక్టర్ లోకేష్ కనగరాజ్ కాంబినేషన్‌లో వస్తున్న సినిమా ‘లియో’. ఈ మూవీ నుంచి ఇప్పటికే రిలీజైన పోస్టర్లు, గ్లింప్స్ ఆకట్టుకోగా.. అక్టోబర్ 19న దసరా కానుకగా ప్రేక్షకుల ముందుకు వచ్చేందుకు సిద్ధంగా ఉంది. ఈ క్రమంలోనే సినిమా ఆడియో లాంచ్ సెప్టెంబర్-30 న చెన్నై ఇండోర్ స్టేడియంలో గ్రాండ్‌గా ప్లాన్ చేసినట్లు తెలుస్తోంది. ఇదిలా ఉంటే.. బ్యాక్ టు బ్యాక్ పోస్టర్స్ వదులుతూ ‘లియో’ పై ఎక్స్‌పెక్టేషన్స్ పెంచడంలో బిజీగా ఉన్న లోకేస్ కనగరాజు అండ్ టీమ్‌కు ఊహించని షాక్ తగిలినట్లు తెలుస్తోంది.

ఈ మూవీని మల్టీప్లెక్స్‌లో రిలీజ్ చేసే అవకాశం కనిపించట్లేదని సమాచారం. అయితే రిలీజ్ కానిది ఇక్కడ కాదు.. ‘లియో’ హిందీ వెర్షన్ నార్త్‌లోని ఏ మల్టీప్లెక్స్‌లో రిలీజ్ చేయడానికి రెడీగా లేదని తెలుస్తోంది. ఎందుకంటే నార్త్ బెల్ట్‌లో మల్టీప్లెక్స్‌లలో ఉన్న రూల్ ప్రకారం.. ఏదైన సినిమా థియోటర్‌ల్లో రిలీజ్ అయిన ఎనిమిది వారాల తర్వాతే ఓటీటీ లోకి రిలీజ్ చేయాలట. కానీ ‘లియో’ చిత్ర యూనిట్ నాలుగు వారాలకే సినిమా ఓటీటీలోకి వచ్చేలా అగ్రిమెంట్ చేసుకుందట. ఈ కారణం చేతనే అక్కడ మల్టీప్లెక్స్‌లో సినిమా రిలీజ్ చేసేందుకు కష్టాలు ఎదురవుతున్నాయి.