డైరెక్ట్‌గా ఓటీటీలోకి శోభిత ధూళిపాళ సినిమా.. స్ట్రీమింగ్ ఎప్పుడంటే?

దిశ, సినిమా: శోభిత ధూళిపాళ, రాజీవ్ సిద్ధార్థ్ ప్రధాన పాత్రల్లో నటించిన చిత్రం ‘లవ్ సితార’. వందన్ కటారియా దర్శకత్వం వహించిన ఈ మూవీ షూటింగ్ 2020లోనే స్టార్ట్ అయింది. అయితే.. అప్పుడు కరోనాతో సహా పలు కారణాల వల్ల ఈ మూవీ రిలీజ్‌కు నోచుకోలేదు. ఇప్పుడు థియేటర్లలో కాకుండా డైరెక్ట్‌గా ఓటీటీ రిలీజ్‌కు సిద్ధమైంది. ప్రముఖ ఓటీటీ సంస్థ జీ 5 ఈ సినిమాను స్ట్రీమింగ్‌కు తీసుకురానున్నారు.

ఈ విషయాన్నీ జీ 5 సంస్థ అఫీషియల్‌గా అనౌన్స్ చేసింది. “లవ్, హార్ట్ బ్రేక్, సెల్ఫ్ డిస్కవరీకి సంబంధించిన కథ ఇది. సెప్టెంబర్ 27న లవ్ సితార జీ5లో ప్రీమియర్ అవుతుంది” అని ప్రకటించింది. అయితే.. ప్రస్తుతానికైతే ఈ సినిమాకు సంబంధించిన టీజర్ ,ట్రైలర్‌లు రిలీజ్ చేయలేదు. కానీ త్వరలోనే రిలీజ్ చేసే అవకాశాలు ఉన్నట్లు తెలిపారు మేకర్స్. కాగా ఈ చిత్రంలో శంకర్ ఇంద్రఛూడన్, రిజుల్ రే, సీమా సాన్వీ కూడా ప్రధాన పాత్రలలో నటించారు.