ఇప్పుడే చచ్చిపోతానంటూ షాకింగ్ కామెంట్స్ చేసిన బిగ్‌బాస్ శివాజీ

దిశ, సినిమా: #90’ s వెబ్ సిరీస్ సక్సెస్‌లో భాగంగా టాలీవుడ్ సీనియర్ నటుడు శివాజీ రీసెంట్‌గా ఓ ఇంటర్వ్యూలో పాల్గొని షాకింగ్ కామెంట్స్ చేశారు. ‘‘మనం ఎప్పుడు ఉంటామో ఎప్పుడు పోతామో కూడా తెలియదు. అందుకే ఉన్నన్ని రోజులు హ్యాపీ గా ఉండాలి. మనిషి జీవితంలో డబ్బు శాశ్వతం కాదు. బయట నాపై ఎంతో మంది ఎన్నో విమర్శలు చేస్తున్నారు. పాలిటిక్స్‌లోకి వెళ్లి, నేను బాగా మనీ సంపాదించానని అంటున్నారు. నిరూపిస్తే మాత్రం ఇప్పుడే చచ్చిపోతాను. నేను ఇండస్ట్రీలోకి ప్యాంట్ చొక్కాతో వచ్చినోడిని. నాకు ఎందులోనూ రిగ్రెట్స్ లేవు. నాకు క్యారెక్టర్ అనేది ఇంపార్టెంట్’’ అంటూ శివాజీ ఫైర్ అయ్యారు. ప్రస్తుతం ఈయన చేసిన కామెంట్స్ నెట్టింట వైరల్ అవుతున్నాయి.