Nikhil Siddhartha: ‘స్వయంభు’ సినిమా నుంచి సంయుక్తా మీనన్ పోస్టర్ షేర్ చేస్తూ నిఖిల్ ఇంట్రెస్టింగ్ పోస్ట్

దిశ, సినిమా: సెప్టెంబర్ 11న యంగ్ బ్యూటీ సంయుక్తా మీనన్ పుట్టినరోజు కావడంతో ఆమె నటిస్తున్న సినిమాలన్నింటి నుంచి పోస్టర్స్ విడుదలయ్యాయి. సంయుక్తా బర్త్ డే విషెస్ తెలుపుతూ మేకర్స్ లుక్స్‌ షేర్ చేయడంతో అవి కాస్త ప్రేక్షకులను మెస్మరైజ్ చేస్తున్నాయి. తాజాగా, స్వయంభు నుంచి సంయుక్తా మీనన్ పోస్టర్‌ను విడుదల చేస్తూ నిఖిల్ ట్విట్టర్ వేదికగా ఓ ఇంట్రెస్టింగ్ పోస్ట్ షేర్ చేశాడు. ‘‘మీకు అద్భుతమైన పుట్టినరోజు శుభాకాంక్షలు.

భగవంతుడు మీకు ఈ సంవత్సరం విజయం, ఆరోగ్యం, సంతోషాన్ని ప్రసాదించాలని కోరుకుంటున్నాను. స్వయంభు కోసం మీరు ఎంత కష్టపడి పని చేశారో ప్రపంచానికి చూపించేందుకు సంతోషిస్తున్నాము’’ అని రాసుకొచ్చాడు. అలాగే స్వయంభులోని యోధురాలిగా కనిపిస్తున్న లుక్‌ను విడుదల చేశాడు. ప్రజెంట్ ఈ పోస్టర్ నెట్టింట వైరల్ అవుతోంది. అయితే ‘స్వయంభు’ సినిమాలో నిఖిల్ హీరోగా నటిస్తుండగా.. దీనిని భరత్ కృష్ణమాచారి తెరకెక్కిస్తున్నాడు.

ఇందులో సంయుక్తా మీనన్, నభా నటేష్ హీరోయిన్లుగా నటిస్తున్నారు. అయితే ఈ చిత్రాన్ని ఠాగూర్ మధు సమర్పణలో పిక్సెల్ స్టూడియోస్ బ్యానర్‌పై భువన్, శ్రీకర్ నిర్మిస్తున్నారు. పీరియాడికల్ యాక్షన్ డ్రామాగా తెరకెక్కుతున్న ‘స్వయంభు’ తెలుగు, హిందీ, తమిళం, మలయాళం, కన్నడ భాషల్లో పాన్ ఇండియా మూవీగా విడుదల కాబోతుంది.