IIFA 2024 : షారుఖ్ ఖాన్, కరణ్ జోహార్ కాళ్లు మొక్కిన రానా.. (వీడియో)

దిశ, సినిమా: సినీ రంగంలో ఎంతో ప్రతిష్టాత్మకంగా భావించే ఐఫా అవార్డుల ఈవెంట్ త్వరలో ఘనంగా స్టార్ట్ కానుంది. దీనికోసం తాజాగా ముంబైలో ఓ స్పెషల్ ప్రీ ఈవెంట్‌ను నిర్వహించారు. ఈ ఈవెంట్‌లో భారతదేశంలోని వివిధ పరిశ్రమల నుండి చాలా మంది తారలు ఒకచోట చేరారు. బాలీవుడ్ నుండి సూపర్ స్టార్ షారుఖ్ ఖాన్, కరణ్ జోహార్, సిద్ధాంత్ చతుర్వేదితో పాటు చాలా మంది ఇందులో భాగం అయ్యారు. ఈ క్రమంలోనే స్టేజ్‌పై షారుఖ్ ఖాన్, కరణ్ జోహార్ ఉండగా.. రానా దగ్గుబాటిని వేదికపైకి పిలుస్తారు. స్టేజ్ ఎక్కిన రానా.. షారూఖ్ ఖాన్ అలాగే కరణ్ జోహార్ ఇద్దరి పాదాలను తాకి, "మేము పూర్తిగా దక్షిణ భారతీయులం. మేము ఇలాగే కాళ్లకు నమస్కారం చేస్తాం’ అంటూ చెప్తాడు. ప్రజెంట్ ఇందుకు సంబంధించిన క్యూట్ వీడియో నెట్టింట వైరల్ అవుతోంది.