శుభ్‌మన్ గిల్ సిస్టర్‌తో కనిపించిన సారా టెండూల్కర్.. వైరలవుతోన్న వీడియో!

దిశ, సినిమా: ఇండియన్ స్టార్ క్రికెటర్ సచిన్ కుమార్తె సారా టెండూల్కర్ గురించి సుపరిచితమే. సారా.. క్రికెటర్ శుభ్‌మన్ గిల్‌తో ప్రేమలో ఉన్నట్లు గత కొంతకాలం నుంచి నెట్టింట వార్తలు గుప్పుమంటున్నాయి. ప్రేమ వ్యవహారంతో సారా ఏదో ఒక వార్తతో తరచూ సోషల్ మీడియాలో హైలెట్ అవుతూనే ఉంటుంది. రీసెంట్‌గా ఈమె కాఫీ విత్ కరణ్ సీజన్ 8 లో పాల్గొని.. గిల్‌, నేను ప్రేమించుకోవడం లేదు. అమ్మాయిలు, అబ్బాయిలు మీరు తప్పుగా అనుకుంటున్నారు. అని తెలిపింది. సారా టెండూల్కర్ వీరి ప్రేమ గురించి వస్తున్న పుకార్లను ఇలా చాలా సార్లు కొట్టిపారేస్తుంది. కానీ మళ్లీ కెమెరా కంట పడుతోంది. తాజాగా సారా.. శుభ్‌మన్ గిల్ సోదరితో కారుతో తిరుగుతూ కెమెరాకు చిక్కింది. గిల్ ఫ్యామిలీ మెంబర్స్‌తో సన్నిహితంగా మెలగడం చూస్తుంటే, వీరిద్దరి మధ్య నిజంగానే లవ్ ట్రాక్ నడుస్తుందని ఫ్యాన్స్ కామెంట్లు పెడుతున్నారు. ప్రస్తుతం సారా అండ్ గిల్ సోదరి కారులో వెళ్తోన్న వీడియో ప్రస్తుతం సోషల్ మీడియాలో వైరల్ అవుతోంది.