‘శాకుంతలం’ డిజాస్టర్ అంతా కర్మ ఫలం అంటూ సమంత ఎమోషనల్ పోస్ట్..

దిశ, వెబ్ డెస్క్: స్టార్ హీరోయిన్ సమంత నటించిన ‘శాకుంతలం’ సినిమా ఏప్రిల్ 14 న విడుదలైన విషయం తెలిసిందే. ఈ మూవీకి డైరెక్టర్ గుణశేఖర్ దర్శకత్వం వహించాడు. ఇందులో అల్లు అర్హ, మోహన్ బాబు, దేవ్ మోహన్ కీలక పాత్రల్లో నటించారు. ఈ చిత్రం షూటింగ్ సమయంలో భారీ హైప్‌ను క్రీయేట్ చేశారు. కానీ, విడుదలైన తర్వాత ఊహించినంత విజయం సాధించలేకపోయింది. ఈ క్రమంలో సమంత తీవ్ర విమర్శలు ఎదుర్కొంటున్నారు. శకుంతలగా ఆమె నటన, డబ్బింగ్ దారుణం అంటున్నారు. ఈ నేపథ్యంలో సమంత తన ఇన్‌స్టాగ్రామ్‌లో ఓ ఆసక్తికర పోస్ట్ పెట్టింది. మహాభారతంలో శ్రీకృష్ణుడు చెప్పిన భగవద్గీత నుంచి .. 'కర్మణ్యే వాధికా రాస్తేమా ఫాలేషు కదాచనమా కర్మ ఫల హే తుర్ భూః మాతే సంగోత్స్వ కర్మణి ’’ అంటూ ఓ శ్లోకాన్ని రాసుకొచ్చింది. దీనికి అర్థం ప్రయత్నం చేయడం వరకే మన చేతిలో ఉంటుంది. దాని ఫలితం ఏమిటనేది మనం నిర్ణయించలేము. ఫలితాలకు భయపడి ప్రయత్నం చేయడం మానరాదు. ఏదేమైనా ముందుకు సాగిపోవాలి’ అని అర్థం వచ్చేలా పెట్టింది. దీంతో అది చూసిన నెటిజన్లు శాకుంతలం డిజాస్టర్‌ను తట్టుకోలేకనే సమంత ఈ పోస్ట్ పెట్టిందని కామెంట్లు పెడుతున్నారు.

ఇవి కూడా చదవండి:   ‘అలా మొదలైంది’.. అలీతో పోటీపడుతున్న వెన్నెల కిషోర్