‘ఛాంపియన్’ అవుతానంటున్న రోషన్.. నయా మూవీ టైటిల్ ఫిక్స్

దిశ, సినిమా : వైజయంతీ మూవీస్, స్వప్న సినిమాస్ ప్రొడక్షన్స్ కలయికలో ఓ సినిమా తెరకెక్కుతోంది. యువ నటుడు రోషన్ హీరోగా ప్రదీప్ అద్వైతం దర్శకత్వం వహిస్తున్న చిత్రాన్ని సి. అశ్వనీదత్ నిర్మిస్తున్నారు. అయితే మంగళవారం రోషన్ పుట్టినరోజు సందర్భంగా సినిమా నుంచి ఫస్ట్ లుక్‌ రివీల్ చేయడంతో పాటు టైటిల్‌ను కూడా అనౌన్స్ చేశారు మేకర్స్.

‘ఛాంపియన్‌’ అనే ఆసక్తికరమైన టైటిల్ పోస్టర్‌లో పొడవాటి జుట్టు, లైట్ బియర్డ్‌తో రోషన్ హ్యాండ్సమ్‌గా కనిపిస్తున్నాడు. టైటిల్ లోగోపై రెండు వైపులా ఫుట్‌బాల్ ఉండగా హీరో విభిన్నమైన పాత్రలో కనిపించబోతున్నట్లు తెలుస్తోంది. మిక్కీ జె మేయర్ సంగీతం అందిస్తున్న చిత్రానికి సంబంధించిన మరిన్ని వివరాలు త్వరలో వెల్లడించనున్నారు.