బాలీవుడ్ ఇండస్ట్రీపై రిషబ్ శెట్టి వివాదాస్పద వ్యాఖ్యలు.. దేశాన్ని తక్కువ చేస్తున్నారంటూ

దిశ, సినిమా: కన్నడ స్టార్ హీరో రిషబ్ శెట్టి గురించి ప్రత్యేకంగా చెప్పాల్సిన పని లేదు. ఆయన పలు చిత్రాల్లో నటించి ఫుల్ క్రేజ్ తెచ్చుకున్నాడు. ముఖ్యంగా తెలుగులో కాంతార మూవీతో బ్లాక్ బస్టర్ హిట్ కొట్టి తన క్రేజ్‌ను మరింత పెంచుకున్నాడు. ప్రజెంట్ ఆయన కాంతార పార్ట్-1 మూవీతో ప్రేక్షకుల ముందుకు రాబోతున్నాడు. అయితే ఇటీవల అంతర్జాతీయ చలన చిత్రోత్సవాల్లో కాంతార సినిమాలోని రిషబ్ శెట్టి నటనకు ఉత్తమ నటుడిగా అవార్డుకు ఎంపికైన విషయం తెలిసిందే.

ఈ క్రమంలో.. తాజాగా, ఓ ఇంటర్వ్యూలో పాల్గొన్న రిషబ్ శెట్టి బాలీవుడ్ ఇండస్ట్రీపై వివాదాస్పద కామెంట్లు చేసి వార్తల్లో నిలిచాడు. ‘‘కొన్ని బాలీవుడ్ సినిమాలు మన దేశాన్ని తక్కువ చేసి చూపిస్తున్నాయి. మన చిత్రాల్లో గ్లోబల్ ఈవెంట్‌లకు రెడ్ కార్పెట్ వేసి మరీ ఆహ్వానిస్తారు. అందుకే నేను దేశం గురించి గర్వంగా మాట్లాడేలా చేయాలనుకుంటున్నాను.

నా దేశం నా రాష్ట్రం, నా భాష వీటన్నింటి గురించి ప్రపంచానికి గొప్పగా చెప్పాలనుకుంటున్నా’’ అని చెప్పుకొచ్చాడు. ప్రజెంట్ రిషబ్ శెట్టి కామెంట్స్ నెట్టింట వైరల్ అవుతుండగా.. నెటిజన్లు రకరకాలుగా స్పందిస్తున్నారు. ఆయన ఫ్యాన్స్ మాత్రం రిషబ్‌కు సపోర్ట్‌గా నిలుస్తున్నారు. ఇక ఆయన కామెంట్స్‌పై బాలీవుడ్ ఇండస్ట్రీలోని సెలబ్రిటీస్ ఎలా రియాక్ట్ అవుతారో చూడాలని మరికొందరు అంటున్నారు.