రెబల్ స్టార్ ప్రభాస్‌కు ఇష్టమైన సినిమా అండ్ టాలీవుడ్ స్టార్ హీరో ఇతడే?

దిశ, సినిమా: టాలీవుడ్ సీనియర్ స్టార్ హీరో రెబల్ స్టార్ ప్రభాస్ గురించి సుపరిచితమే. టాలీవుడ్ దిగ్గజ దర్శకుడు రాజమౌళి తెరకెక్కించిన ప్రతిష్టాత్మక చిత్రం ‘బహుబలి’ తో ప్రభాస్ ఇండస్ట్రీలో చెరగని ముద్ర వేసుకున్నాడు. ఈ సినిమాతో జక్కన్న క్రేజ్ మరింతగా పెరిగింది. ఇక రీసెంట్‌గా ప్రభాస్ నటించిన ‘సలార్’ సినిమాలో నటించిన విషయం తెలిసిందే. ఈ మూవీ బాక్సాఫీసు వద్ద భారీ కలెక్షన్లు రాబట్టి.. సూపర్ డూపర్ హిట్‌గా నిలిచింది.

బహుబలి తర్వాత ప్రభాస్‌ విజయం సాధించిన సినిమా సలార్ అనే చెప్పుకోవచ్చు. ఇంతకు ముందు ప్రభాస్ నటించిన ఆదిపురుష్, రాధేశ్యామ్, సాహో బాక్సాఫీసు వద్ద పెద్దగా ఆడలేదు. ప్రస్తుతం రెబల్ స్టార్ రాజా సాబ్, కల్కి సినిమాల్లో నటిస్తున్నాడు. ఇదంతా పక్కన పెడితే.. ఎంతటి స్టార్ హీరోకైనా ఒక ఫేవరేట్ హీరో తప్పకుండా ఉంటారు. బయటికి చెప్పకున్నా వారి మనసులో వారిపై అభిమానం ఉంటుంది.

మాటల రూపంలో గానీ .. ఏదో ఒక సందర్భంలో వారిపై ఉన్న ఇష్టం తెలిసిపోతుంది. ఈ విషయాన్ని రెబల్ స్టార్ ఫ్యాన్స్ గమనించి.. ప్రభాస్ ఫేవరేట్ హీరో ఇతడే అంటూ సోషల్ మీడియాలో తెగ వైరల్ చేస్తున్నారు. ఆ హీరో ఎవరో కాదు.. యూత్ నుంచి పెద్దల వరకు డై హార్డ్ ఫ్యాన్స్ ఉండే.. పవర్ స్టార్ పవన్ కల్యాణ్. పవన్ కల్యాణ్ అంటే తనకు ఎంతో ఇష్టమని చాలా సందర్భాల్లో ప్రభాస్ వెల్లడించాడు.

మరో సందర్భంలో పవర్ స్టార్ సినిమాలంటే ఇష్టం అని.. అందులో ఖుషి చిత్రం అంటే ఎంతో ఇష్టమని.. ఆ మూవీని చాలా సార్లు చూశానని తెలిపారు. ప్రభాస్ ఓ వేడుకలో ఐ లవ్ యూ పవర్ స్టార్ అని కూడా చెప్పారు. ప్రభాస్ అండ్ పవన్ కల్యాన్ విశాఖపట్టణంలో ఉన్న సత్యానంద్ ఇన్‌స్టిట్యూట్‌లో ఒకే దగ్గర నటనలో శిక్షణ తీసుకున్నారు.