Rashmika birthday: ఫ్యాన్స్‌కు సర్‌ప్రైజ్ గిఫ్ట్.. ‘పుష్ప-2’ నుంచి శ్రీవల్లి పోస్టర్ రిలీజ్

దిశ, సినిమా: నేడు నేషనల్ క్రష్ రష్మిక మందన్న పుట్టినరోజు. అయితే బర్త్‌డేకు విషెస్ తెలుపుతూ పుష్ప-2 మేకర్స్ ఆమె ఫ్యాన్స్‌కు బిగ్ సర్‌ప్రైజ్ గిఫ్ట్ ఇచ్చారు. పుష్ప-2 నుంచి శ్రీవల్లి లుక్ రిలీజ్ చేసి అందరినీ ఆశ్చర్యపరిచారు. చిత్ర యూనిట్ ట్విట్టర్ వేదికగా పోస్టర్ రిలీజ్ చేయడంతో.. అభిమానుల ఆనందానికి అవధులు లేకుండా పోయాయి.

ఈ పోస్టర్‌లో రష్మిక గ్రీన్ కలర్ పట్టుచీర కట్టుకుని నిండుగా నగలు ధరించి నిండు ముత్తైదువులా కనిపిస్తూ కోపంగా చూస్తుంది. దీంతో ఈ పోస్టర్ చూసిన నెటిజన్లు రష్మిక లుక్ సూపర్ చాలా బ్యూటిఫుల్‌గా చూపించారని అంటున్నారు. కాగా, ఇందులో ఐకాన్ స్టార్ అల్లు అర్జున్ హీరోగా నటిస్తున్నాడు. దీనిని డైరెక్టర్ సుకుమార్ తెరకెక్కిస్తుండగా.. ప్రస్తుతం షూటింగ్ శరవేగంగా జరుగుతుంది. అయితే పుష్ప-2 సినిమా ఆగస్ట్ 15న ప్రపంచవ్యాప్తంగా పాన్ ఇండియా రేంజ్‌లో విడుదల కానున్నట్లు టాక్.