ఆ యువ హీరో మెడపై రష్మిక మందన్న టాటూ..కారణం అదేనా?

దిశ, సినిమా: ‘బేబీ’ సినిమాతో ప్రేక్షకులను ఆకట్టుకొన్న యువ హీరో ఆనంద్ దేవరకొండ గురించి ప్రత్యేకంగా చెప్పాల్సిన పని లేదు. ప్రస్తుతం ఆనంద్ హీరోగా, ఉదయ్‌ శెట్టి దర్శకత్వంలో, వంశీ కారుమంచి, కేదార్‌ సెలగం శెట్టితో కలిసి నిర్మించిన యాక్షన్‌ క్రైమ్‌ కామెడీ మూవీ ‘గం గం గణేశా’ చిత్రం. కాగా ఈ నెల 31న ఈ చిత్రం విడుదల కాబోతున్న క్రమంలో సోమవారం సినిమా ప్రీ రిలీజ్‌ ఈవెంట్‌ నిర్వహించారు. దీనికి రష్మిక గెస్ట్ గా వచ్చి టీమ్‌ని విష్‌ చేసింది. ఇక ప్రీ రిలీజ్ ఈవెంట్‌లో రష్మిక బేబీ సినిమా చూసిన తర్వాత ఆ సినిమాలోని కొన్ని సన్నివేశాలు నన్ను కదిలించాయి.

దాంతో నేను కంటతడి పెట్టుకున్నాను. ఎప్పటికైనా నాకు అవకాశం వస్తే.. దర్శకుడు రాజేష్ డైరెక్షన్‌లో నటించాలని ఉంది అని రష్మిక ఎమోషనల్ అయింది. దాంతో రాజేష్ కూడా ఎమోషనల్ అయ్యాడు. అలాగే గం..గం..గణేశ టీమ్ అందరికీ ఎంత ముఖ్యమో నాకు తెలుసు. మనకంటూ ఒకరి సపోర్ట్ ఉండాలి. సినిమా ఇండస్ట్రీలోకి వచ్చాక నేను అది ఫీలయ్యాను. నేను ఆనంద్ మీద చాలా డిపెండ్ అవుతుంటా. ఈ సినిమా సక్సెస్ అందుకుంటే ఆనంద్ మొహంలో నవ్వు ఉంటుంది. ఆ నవ్వు చూడాలని కోరుకుంటున్నా అంటూ చెప్పుకొచ్చింది. అదేవిధంగా ఇందులో ఆనంద్‌, రష్మిక మధ్య కన్వర్జేషన్‌ నెట్టింట తెగ వైరల్ అవుతున్నాయి.

అందులో భాగంగా ఆనంద్ ఆమెను తన మెడపై ఉన్న టాటూ ఏమిటో చెప్పమని అడిగితే.. అది రష్మిక అంటూ ఆమె చెప్పింది. అది రష్మిక కాదు.. పుష్ప సినిమాలో అల్లు అర్జున్‌తో నటించిన శ్రీవల్లి పేరు అంటూ ఆనంద్ ఓపెన్ అయ్యాడు. అదేవిధంగా అసలు ఈ టాటూ ఎవరి కోసం వేయించుకొన్నానో చెప్పమని అంటే రష్మిక చెప్పడానికి నిరాకరించింది. దీంతో అతను రష్మిక పేరును ఎందుకు వేసుకున్నాడు.. అసలు వేసుకోవల్సింది రౌడీ బాయ్ కదా అని గుసగుసలాడుకుంటున్నారు.