Rana Naidu: సీక్వెల్ అప్డేట్.. అధికారిక ప్రకటన విడుదల చేసిన నెట్‌ఫ్లిక్స్.. స్ట్రీమింగ్ ఎప్పటినుంచంటే?
గత కొద్ది కాలంగా ఓటీటీలో వచ్చే సినిమాలు, వెబ్ సిరీస్‌లు బ్లాక్ బస్టర్ టాక్‌ను సొంతం చేసుకుంటూ ప్రేక్షకులను అలరిస్తున్నాయి.
దిశ, సినిమా: గత కొద్ది కాలంగా ఓటీటీలో వచ్చే సినిమాలు, వెబ్ సిరీస్‌లు బ్లాక్ బస్టర్ టాక్‌ను సొంతం చేసుకుంటూ ప్రేక్షకులను అలరిస్తున్నాయి. దీంతో టాలీవుడ్ స్టార్స్ అంతా ఓటీటీలోకి అడుగుపెడుతున్నారు. అయితే గత ఏడాది స్టార్ హీరోలు దగ్గుబాటి వెంకటేష్, రానా ప్రధాన పాత్రల్లో నటించిన రానా నాయుడు వెబ్ సిరీస్ ఎంత ఆదరణ పొందిందో ప్రత్యేకంగా చెప్పాల్సిన పని లేదు. ఈ సిరీస్ 2023లో నెట్‌ఫ్లిక్స్‌లో స్ట్రీమింగ్ అయి బ్లాక్ బస్టర్ హిట్‌గా నిలిచింది.
ఇందులోని నటీనటుల నటన అందరినీ ఆశ్చర్యపరిచింది. అలాగే కొందరు ప్రశంసలు కురిపిస్తే మరికొందరు విమర్శించారు. అయినప్పటికీ ఆ సిరీస్ సూపర్ హిట్ అయింది. ఇదిలా ఉంటే.. తాజాగా, రానా నాయుడు సిరీస్‌కు సీక్వెల్ రాబోతున్నట్లు నెట్‌ఫ్లిక్స్ సోషల్ మీడియా వేదికగా అధికారిక ప్రకటనను విడుదల చేసింది. అలాగే వెంకటేష్, రానా మధ్య యాక్షన్ సీన్స్ జరుగుతున్న వీడియో ద్వారా తెలిపారు. అయితే ఈ రానా నాయుడు సీజన్-2 త్వరలోనే ప్రేక్షకుల ముందుకు రానున్నట్లు ప్రకటించారు. దీంతో ఈ విషయం తెలుసుకున్న ఫ్యాన్స్ ఆనందపడుతున్నారు.
(Video Link Credits to Netflix India Instagram Channel)