మహేష్‌ బాబుతో రొమాంటిక్‌గా నటించిన బ్యూటీనే ఇప్పుడు తల్లిపాత్రలో..

దిశ, సినిమా: సూపర్ మహేష్ బాబు నటించిన బ్లాక్ బస్టర్ లెటేస్ట్ చిత్రం ‘గుంటూరు కారం’ సంక్రాంతి కానుకగా విడుదల కాబోతుంది. అయితే ఈ సినిమాలో సీనియర్ టాలీవుడ్ స్టార్ హీరోయిన్ రమ్యకృష్ణ.. సూపర్ స్టార్ తల్లి పాత్రలో కనిపించనున్నారు. ఇందులో రమ్యకృష్ణ-మహేష్ బాబు మధ్య వచ్చే ఎమోషనల్ సీన్స్ ప్రేక్షకులను కట్టిపడేస్తాయని నెట్టింట టాక్ నడుస్తోంది. మాటల మాంత్రికుడు త్రివిక్రమ్.. సంభాషణ, సంఘర్షణ ఎంతో అద్భుతంగా తెరకెక్కించారని తెలుస్తోంది. అయితే మదర్ సెంటిమెంట్‌లో నటించిన ఈ హీరోయినే గతంలో ప్రిన్స్ ‘నాని’ సినిమాలో స్పెషల్ సాంగ్‌లో స్టెప్పులేసింది. ‘మార్కెండేయ’ అనే పాటలో మహేష్-రమ్యకృష్ణ మధ్య కెమిస్ట్రీ ఓ రేంజ్‌లో ఉంటుంది. సూపర్ స్టార్‌తో రొమాంటిక్ సాంగ్‌లో చేసిన బ్యూటీనే ఇప్పుడు తల్లి పాత్రలో నటించాల్సి వస్తుందని ఎవ్వరూ ఊహించి ఉండరంటూ సోషల్ మీడియాలోని నెటిజన్లు కామెంట్లు పెడుతున్నారు.