పవన్ కల్యాణ్ ‘ఉస్తాద్ భగత్ సింగ్’ ఫస్ట్ గ్లింప్స్‌పై.. రామ్ చరణ్ రియాక్షన్ ఇదే

దిశ, వెబ్ డెస్క్: పవర్ స్టార్ పవన్ కల్యాణ్ రాజకీయాల్లో యాక్టీవ్‌గా ఉంటూనే వరుస సినిమాలకు గ్రీన్ సిగ్నల్ ఇస్తున్నారు. అయితే హరీష్ శంకర్ దర్శకత్వంలో పవన్ ‘ఉస్తాద్ భగత్ సింగ్’ సినిమాలో నటిస్తున్న విషయం అందరికీ తెలిసిందే. ఈ మూవీకి సంబంధించిన అప్డేట్ ఎప్పుడెప్పుడు వస్తుందా అని ఎదురుచూస్తున్న అభిమానులకు మూవీ టీమ్ గుడ్ న్యూస్ తెలిపారు. ఫస్ట్ గ్లింప్స్‌ను విడుదల చేశారు. ఈ గ్లింప్స్ ప్రేక్షకుల్లో సినిమాపై భారీ అంచనాలను పెంచడంతో పాటు యూట్యూబ్‌లో దూసుకుపోతోంది. తాజాగా, ఉస్తాద్ భగత్ సింగ్ ఫస్ట్ గ్లింప్స్‌పై గ్లోబల్ స్టార్ రామ్ చరణ్ ట్విట్టర్ వేదికగా స్పందించారు. ‘‘ ఈ గ్లింప్స్ చాలా బాగున్నాయి. పవన్ కల్యాణ్ గారు. ఈ భారీ చిత్రం థియేటర్‌కు వచ్చేదాకా వేచి ఉండలేము. ఈ మూవీ టీమ్ అందరికీ శుభాకాంక్షలు’’ అంటూ రాసుకొచ్చాడు. దీంతో మెగా ఫ్యాన్స్ ఫుల్ ఖుషీ అవుతున్నారు.