నా అట్లాంటిస్ రాణి అంటూ కొత్త అమ్మాయితో దర్శనమిచ్చిన రాహుల్ సిప్లీగంజ్.. పోస్ట్ వైరల్

దిశ, సినిమా: సింగర్ రాహుల్ సిప్లిగంజ్ గురించి ప్రత్యేకంగా పరిచయం చేయాల్సిన పని లేదు. పలు సినిమా పాటు, ప్రైవేట్ ఆల్బమ్స్ పాడి మంచి క్రేజ్ తెచ్చుకున్నాడు. ముఖ్యంగా తెలుగు రియాలిటీ షో బిగ్‌బాస్ షోలో పాల్గొని పాపులారిటీ పెంచుకున్నాడు. హౌస్‌లో అన్ని టాస్కుల్లో పోటాపోటీగా ఆడి చివరకు విన్నర్‌గా కప్ గెలుచుకుని రికార్డ్ సృష్టించాడు. దీంతో రాహుల్ ఒక్కసారిగా ఫుల్ ఫేమస్ అయిపోయాడు. అయితే హౌస్‌లో ఉండగానే నటి పునర్నవి భుపాలంతో రిలేషన్ కొనసాగించినట్లు అప్పట్లో వార్తలు వచ్చాయి. కానీ ఆ తర్వాత వీరిద్దరు మంచి ఫ్రెండ్స్ అని తేలిపోయింది. ఇక రాహుల్.. బిగ్‌బాస్ కంటెస్టెంట్ రతికా రోజ్‌తో కూడా ప్రేమాయణం నడిపాడు.

వీరిద్దరి మధ్య ఏవో మనస్పర్థలు రావడంతో బ్రేకప్ చెప్పుకుని విడిపోయారు. ఈ విషయాన్ని రతిక బిగ్‌బాస్ హౌస్‌లోకి వెళ్లినప్పుడు చెప్పి ఎమోషనల్ అయింది. ఇక అప్పుడు వీరిద్దరికి సంబంధించిన వార్త లెన్నో వచ్చాయి. అయినప్పటికీ రాహుల్ పట్టించుకోకుండా తన పని తాను చేసుకున్నాడు. ఈ క్రమంలోనే ఆర్ఆర్ఆర్ మూవీలో సింగర్‌గా చాన్స్ రావడంతో నాటు నాటు పాటను తనదైన స్టైల్లో పాడి ప్రేక్షకులను మెప్పించాడు. ఈ సాంగ్‌కు ఆస్కార్ అవార్డు కూడా రావడంతో రాహుల్ ఓవర్ నైట్ అయిపోయాడు. ప్రపంచవ్యాప్తంగా క్రేజ్ పెరిగిపోయింది. దీంతో పలు సినిమాల్లో పాడే చాన్స్ కొట్టేసి బిజీ సింగర్‌గా మారిపోయాడు. ప్రస్తుతం రాహుల్ ప్రైవేట్ ఆల్బమ్స్ చేస్తూనే సోషల్ మీడియాలోనూ పలు పోస్టులు పెడుతున్నాడు.

తాజాగా, ఓ అమ్మాయికి స్పెషల్ విషెస్ తెలుపుతూ ఓ వీడియోను షేర్ చేయడంతో అది కాస్త నెట్టింట వైరల్‌గా మారింది. ఓ అమ్మాయితో కలిసి రీల్ చేసిన వీడియోను షేర్ చేస్తూ.. ‘‘నా అట్లాంటిస్ రాణికి పుట్టినరోజు శుభాకాంక్షలు’’ అని రాసుకొచ్చాడు. ఈ పోస్ట్‌పై పలువురు సెలబ్రిటీలు కూడా కామెంట్లు పెడుతుండటంతో అంతా ఆ అమ్మాయి ఎవరా అని నెట్టింట సెర్చింగ్ మొదలెట్టారు. అయితే రాహుల్ సిప్లీగంజ్‌తో ఉన్న అమ్మాయి పేరు.. హరిణ్య రెడ్డి అని తెలుస్తోంది. ఆమెతో కలిసి ఓ ఆల్బమ్ చేస్తున్నాడు ఈ క్రమంలోనే హరిణ్య బర్త్ డే కావడంతో ఓ పోస్ట్ పెట్టాడు.

అయితే హరిణ్య కూడా ఓ సెలబ్రిటీ అని సమాచారం. ఆమెను సోషల్ మీడియాలో రాహుల్ సిప్లీగంజ్, అరియానా, అషురెడ్డి, యాంకర్ స్రవంతి, సొహైల్, వైవా హర్ష, యాంకర్ విష్ణు ప్రియ, సింగర్ కృష్ణ చైతన్య, గీతా మాధురి వంటి వారంతా ఫాలో అవుతున్నారు. దీంతో రాహుల్, హరిణ్య రెడ్డి మధ్య ఏదో ఉందనే పుకార్లు షికారు చేస్తున్నాయి. రాహుల్ పోస్ట్ చూసిన వారంతా లిస్ట్ పెంచుకోవడమేనా లేక ఒక్క అమ్మాయితో అయినా రిలేషన్ పెళ్లి దాకా తీసుకెళ్తావా అని అంటున్నారు.