'విరాట పర్వం'లో రానా పాడిన సాంగ్ రిలీజ్‌.. గూస్‌బంప్స్..

దిశ, సినిమా: అభిమానులు ఎన్నో రోజులుగా ఎదురు చూస్తున్న సినిమా 'విరాట పర్వం' ఈ నెల 17న రిలీజ్‌ కాబోతోంది. ఈ మధ్యే వచ్చిన ట్రైలర్‌కు పాజిటివ్‌ టాక్‌ వచ్చింది. సినిమా ప్రీరిలీజ్‌ ఈవెంట్‌ కూడా ఘనంగా జరిగింది. ప్రమోషన్ ఈవెంట్స్ కూడా భారీగానే చేస్తున్న మూవీ యూనిట్.. ఈ సినిమాలో రానా పాడిన పాటను రిలీజ్ చేసి ప్రేక్షకుల్లో ఆసక్తి రేపే ప్రయత్నం చేశారు. 'మారదులే.. ఈ దోపిడి దొంగల రాజ్యం మారదులే' అంటూ రానా తనదైన స్టైల్లో అగ్రెసివ్‌గా పాట పాడిన విధానం బాగుంది. ఇక ఇప్పటికే సినిమాపై అంచనాలు పెరగ్గా.. ఈ పాటతో పక్కా బ్లాక్ బస్టర్ టాక్ వినిపిస్తోంది.