అవకాశం ఇస్తానని వాడుకుని వదిలేస్తాడు.. నిర్మాతపై నటి సంచలన ఆరోపణలు

దిశ, సినిమా: ప్రముఖ ఒడియా సినీ పరిశ్రమకు చెందిన నిర్మాత సంజయ్ నాయక్‌పై హీరోయిన్ ప్రకృతి మిశ్రా సంచలన ఆరోపణలు చేసింది. సినిమాల్లో అవకాశాలు ఇస్తానంటూ ఎంతోమంది అమ్మాయిలను లోబరుచుకున్న సంజయ్.. అవసరం తీరగానే ముఖం చాటేశాడని చెప్పింది. ‘ఇక్కడ 99శాతం మంది మంచి వాళ్లే ఉన్నారు. కొంతమంది ప్రముఖులు మాత్రమే కొత్తగా వచ్చే హీరోయిన్లను వాడుకుంటారు. అవకాశాలు రావాలంటే కాంప్రమైజ్ కావలంటూ బలవంతం చేస్తారు. నాకు అలాంటి అనుభవం ఎదురైంది. కానీ, నేను దానికి ఒప్పుకోకుండా ఎదురు తిరిగాను’ అని వెల్లడించింది. కాగా ప్రకృతి మిశ్రాకు సపోర్టుగా నిలిచిన హీరోయిన్ పుపుల్ భుయాన్, జాస్మిన్ రథ్ ఒడియా పరిశ్రమలో క్యాస్టింగ్ కౌచ్ ఉందన్నారు. ఇక దీనిపై స్పందించిన సంజయ్ నాయక్ ఇదంతా నిజం కాదని, తన ఇమేజ్ డ్యామేజ్ చేయడానికే కుట్రతో తప్పుడు ఆరోపణలు చేస్తున్నారని వాపోయాడు.