యూరప్‌లో బిగ్ పార్టీ ఇవ్వబోతున్న ప్రభాస్.. ఆ మూవీ ఫస్ట్ లుక్ కూడా రిలీజ్ చేస్తారట!

దిశ, సినిమా: మోకాలు సర్జరీ కోసం యూరప్‌ వెళ్లిన స్టార్ హీరో ప్రభాస్.. ఆపరేషన్ తర్వాత అక్కడే విశ్రాంతి తీసుకుంటున్న విషయం తెలిసిందే. కాగా మరో రెండు వారాల్లో ఆయన బర్త్ డే ఉండగా ఇప్పటి నుంచే సెలబ్రేషన్స్ కోసం భారీ స్థాయిలో ప్లాన్ చేస్తున్నారు ఫ్యాన్స్. అయితే తాజా సమాచారం ప్రకారం అక్టోబరు 23న జరిగే పుట్టినరోజు వేడుకలు ఈసారి యూరప్‌లో చేసుకోబోతున్నాడట. అంతేకాదు ఈ బర్త్ డే పార్టీ కోసం ఇప్పటికే స్పెషల్ ఏర్పాట్లు చేస్తున్నారని, దీనికోసం ప్రభాస్ కుటుంబ సభ్యులు, స్నేహితులు ఇప్పటికే యూరప్ ప్రయాణ పనుల్లో బిజీ అయినట్లు తెలుస్తోంది. ఇక వీరి సమక్షంలో బిగ్ బర్త్ డే పార్టీ జరగనుండగా అక్కడ ఉంటున్న కొంతమంది తెలుగువారిని కూడా ఆహ్వానించినట్లు టాక్ నడుస్తోంది. అలాగే మారుతి, ప్రభాస్ కాంబినేషన్‌లో వస్తున్న సినిమా ఫస్ట్ లుక్ కూడా ఈ సందర్భంగా విడుదల చేయబోతున్నట్లు సమాచారం.