Prabhas : మాట వరసకు అంటే రూ. 6 కోట్ల కారు ఇచ్చేసిన రెబల్ స్టార్
పాన్ ఇండియా స్టార్ ప్రభాస్ నటించిన ప్రతిష్టాత్మక చిత్రం సలార్ నిన్న(డిసెంబరు 22) గ్రాండ్ రిలీజ్ అయింది.
దిశ, వెబ్‌డెస్క్: పాన్ ఇండియా స్టార్ ప్రభాస్ నటించిన ప్రతిష్టాత్మక చిత్రం సలార్ నిన్న(డిసెంబరు 22) గ్రాండ్ రిలీజ్ అయింది. ఫస్ట్ డే రోజు థియేటర్ల వద్ద పండుగ వాతావరణం నెలకొంది. ఈ రోజు చూసుకున్నట్లైతే.. ఫ్యాన్స్ సందడి ఏ మాత్రం తగ్గలేదు. ప్రశాంత్ నీల్ దర్శకత్వం వహించిన ఈ మూవీకి నెటిజన్ల నుంచి పాజిటివ్ రెస్పాన్స్ దక్కింది. బ్లాక్ బస్టర్ హిట్ అంటూ జనాలు సోషల్ మీడియాలో కామెంట్ల వర్షం కురిపిస్తున్నారు.
450 కోట్ల రూపాయలతో భారీ యాక్షన్ థ్రిల్లర్‌లో తెరకెక్కించిన ఈ చిత్రంలో కన్నడ స్టార్ పృథ్వీరాజ్ సుకుమారన్ ప్రధాన పాత్రలో నటించారు. ఇకపోతే ఈ సినిమా విడుదలకు ముందు టాలీవుడ్ దర్శకధీరుడు రాజమౌళి సలార్ చిత్ర బృందాన్ని ఇంటర్వ్యూ చేసిన విషయం తెలిసిందే. ఈ ఇంటర్వ్యూలో డైరెక్టర్ ప్రశాంత్ నీల్‌తో పాటు ప్రభాస్, పృథ్వీరాజ్ సుకుమారన్ హాజరయ్యారు. ఈ క్రమంలో పృథ్వీరాజ్.. ప్రభాస్ గురించి ఇంట్రెస్టింగ్ కామెంట్స్ చేశాడు.
‘‘ప్రభాస్ చాలా డేంజర్. ఫుడ్ విషయంలో మిస్టేక్‌లో కూడా ఆయన దగ్గర నోరుజారకూడదు. ఒకసారి నా భార్య, కుమార్తెతో షూటింగ్‌కు వస్తే గది నిండా వంటకాలతో నింపేశాడు. ప్రభాస్‌తో ఉంటే డైట్ పాటించలేం. ఓ రోజు షూటింగ్‌లో కార్లు అంటే ఇష్టమని చెప్పడంతో రెబల్ స్టార్ ఏకంగా రూ. 6 కోట్లు విలువ చేసే తన లంబోర్గిని కారుని తీసుకొచ్చి నాకు ఇచ్చారు. హైదరాబాద్ లో ఎన్ని డేస్ ఉంటే అన్ని డేస్ తన కారునే వాడుకోమని చెప్పారు. ప్రభాస్ ప్రేమను తట్టుకోలేం. అతన్ని అందరూ డార్లింగ్ అని ఎందుకంటారో ఈ సినిమా షూటింగ్ సమయంలోనే తెలిసిందని’’ పృథ్వీరాజ్ సుకుమారన్ వెల్లడించారు.