ఇన్‌స్టాగ్రామ్‌లో కనిపించని ప్రభాస్ అకౌంట్.. ఎలాంటి ప్రకటన లేకుండానే డిజప్పియర్.. ఎందుకు?

దిశ, సినిమా : పాన్ ఇండియా స్టార్ ప్రభాస్ ఇన్‌స్టాగ్రామ్ అకౌంట్ ఆ ప్లాట్ ఫామ్ నుంచి డిజప్పియర్ అయింది. ఎలాంటి ప్రకటన లేకుండానే ప్రొఫైల్ జాడ లేకుండా పోయింది. సాధారణంగా అప్‌కమింగ్ మూవీస్ అప్‌డేట్స్ ఇచ్చేందుకు వాడుతున్న ఈ అకౌంట్.. ఇలా అదృశ్యం అయిపోవడానికి కారణం హ్యాకర్స్ అని కొందరు నమ్ముతుంటే.. స్వయంగా రెబల్ స్టార్ తన ఖాతాను డీయాక్టివేట్ చేశాడని ఇంకొందరు అంటున్నారు. దీనిపై త్వరలో క్లారిటీ వచ్చే అవకాశం ఉండగా.. ఫ్యాన్స్ మాత్రం డిజప్పాయింట్ అవుతున్నారు. ఇలా ప్రొఫైల్ కనిపించకుండా పోవడంపై అన్‌హ్యాపీగా ఉన్నామని చెప్తున్నారు. కాగా దర్శకుడు ప్రశాంత్ నీల్‌-ప్రభాస్ కాంబినేషన్‌లో వస్తున్న ‘సలార్’ డిసెంబర్ 22న విడుదల కానుంది.