Pooja Hegde కాలుకు గాయం.. ఆందోళనలో అభిమానులు

దిశ, వెబ్‌డెస్క్: సినీ ఇండస్ట్రీలో అతి తక్కువ టైంలో తనకంటూ ప్రత్యేక గుర్తింపు సంపాదించుకున్న హీరోయిన్ పూజాహెగ్డే. ఆమె నటించిన ప్రతీ సినిమా బ్లాక్ బస్టర్ హిట్ కావడంతో స్టార్ హీరోల చెంత చోటు సంపాదించుకుంది. అయితే ఈ మధ్య బుట్టబొమ్మ సినిమాలు ప్రేక్షకులను కాస్త నిరాశపరచాయనే చెప్పాలి. అయినా గెలుపు ఓటములను లెక్కచేయకుండా బ్యూటీ తన జోరును కొనసాగిస్తోంది. ఈ క్రమంలో బాలీవుడ్‌లో కూడా ఎంట్రీ ఇచ్చింది.

ఇక సోషల్ మీడియాలో యాక్టివ్‌గా ఉంటూ ప్రతి విషయాన్ని అభిమానులతో పంచుకుంటున్న బుట్టబొమ్మ తాజాగా ఫ్యాన్స్‌కు ఓ బాధాకరమైన విషయాన్ని షేర్ చేసింది. తన కాళుకు గాయమైందని.. పాదానికి కట్టు కట్టుకున్న ఫొటోను ట్విట్టర్‌లో పోస్ట్ చేసింది. 'ఓకే దెన్.. లిగ్మెంట్ టియర్' అని రాసుకొచ్చింది. ప్రస్తుతం అందుకు సంబంధించిన ఫొటో సోషల్ మీడియాలో వైరల్ అవడంతో అభిమానులు తెగ ఫీల్ అవుతున్నారు. త్వరగా కోలుకోవాలిని ప్రార్థిస్తూ కామెంట్లు పెడుతున్నారు.