పవన్ కల్యాణ్ బర్త్‌డే.. అల్లు అర్జున్ ట్వీట్ వైరల్

దిశ, సినిమా: ఆంధ్రప్రదేశ్ డిప్యూటీ సీఎం పవన్ కల్యాణ్ బర్త్‌డే ఈ రోజు. ఈ సందర్భంగా సోషల్ మీడియా వేదికగా విషెస్‌తో సందడి చేస్తున్నారు ఫ్యాన్స్. పవన్ కల్యాణ్‌కు బర్త్‌డే విషెస్ చెప్తూ.. పోస్టర్లతో, ఫొటోలతో సోషల్ మీడియాను షేక్ చేస్తున్నారు. ఇక అభిమానులతో పాటు.. మెగా ఫ్యామిలీ, రాజకీయ ప్రముఖులు, సినీ సెలబ్రెటీలు సైతం నెట్టింట పవన్‌కు బర్త్‌డే శుభాకాంక్షలు తెలుపుతున్నారు. ఈ క్రమంలోనే ఐకాన్ అల్లు అర్జున్ పవన్ కల్యాణ్‌కు తన బెస్ట్ విషెస్ తెలియజేశాడు. ఈ మేరకు ‘హ్యాపీ బర్త్‌డే పవర్ స్టార్, డిప్యూటీ సీఎం పవన్ కల్యాణ్ గారు’ అంటూ ఓ పోస్ట్ పెట్టాడు. ప్రజెంట్ ఈ పోస్ట్ అందరిని ఆకట్టుకుంటుంది.

కాగా.. ఏపీ ఎలక్షన్ల టైంలో మెగా Vs అల్లు ఇష్యూ నడిచిన విషయం తెలిసిందే. 10 ఏళ్లుగా రాజకీయాల్లో ఉంటున్న పవన్ కల్యాణ్‌కు సపోర్ట్ చేయకుండా.. వైఎస్ఆర్ పార్టీకి చెందిన వ్యక్తికి సపోర్ట్ చేశాడు అల్లు అర్జున్. దీంతో సోషల్ మీడియాలో పెద్ద రచ్చే జరిగింది. అల్లు & మెగా ఫ్యామిలీ మధ్య గొడవలు జరుగుతున్నాయి అంటూ ట్రోల్స్ కూడా జరిగాయి. ఈ ఇష్యూతో అల్లు అర్జున్‌పై నెట్టింట కాస్త నెగిటివిటీ కూడా ఏర్పడింది. అయితే.. ఈరోజు పవన్ కల్యాణ్ బర్త్‌డే సందర్భంగా అల్లు అర్జున్ విషెస్ తెలపడంతో మెగా Vs అల్లు గొడవలకు కాస్త చెక్ పెట్టినట్లు అయింది.