పవర్ స్టార్ ఫ్యాన్స్‌కు గుడ్ న్యూస్.. OG మూవీ అప్‌డేట్

దిశ, వెబ్‌డెస్క్: పవర్ స్టార్ పవన్ కల్యాణ్ గ్యాప్ లేకుండా వరుస సినిమా షూటింగ్స్‌లో పాల్గొంటూ ఫుల్ బిజీగా గడుపుతున్నారు. అంతేగాక, షూటింగ్స్ గ్యాప్‌లో అటు పాలిటిక్స్‌ను సైతం మ్యానేజ్ చేస్తున్నారు. ఈ ఏడాది చివ‌రి క‌ల్లా చేతిలో ఉన్న నాలుగు సినిమాల షూటింగ్స్ పూర్తి చేయాల‌ని ప‌వ‌న్ కల్యాణ్ భావిస్తున్నారు. ఆయ‌న న‌టిస్తున్న చిత్రాల్లో OG ఒక‌టి. సాహో ఫేమ్ సుజిత్ ద‌ర్శక‌త్వంలో తెర‌కెక్కుతున్న ఈ చిత్రంపై అభిమానుల్లో భారీ అంచ‌నాలు నెలకొన్నాయి. గ్యాంగ్ స్టర్ క‌థాంశంతో ఈ సినిమా తెర‌కెక్కుతున్నట్లు తెలుస్తోంది.

తమిళ నటి ప్రియాంక మోహ‌న్ హీరోయిన్‌గా నటిస్తోంది. డీవీవీ దానయ్య ఈ చిత్రాన్ని నిర్మిస్తున్నారు. ఇప్పటికే రెండు షెడ్యూల్స్‌ను స‌క్సెస్ ఫుల్‌గా పూర్తి చేసుకుంది. మొద‌టిషెడ్యూల్ ముంబైలో జ‌రుగ‌గా, రెండో షెడ్యూల్ హైద‌రాబాద్‌లో జ‌రిగింది. ఇక మూడో షెడ్యూల్ ఈ నెల 4 నుంచి హైద‌రాబాద్‌లో ప్రారంభ‌మైంది. కాగా.. నేడు ప‌వ‌న్ క‌ళ్యాణ్ షూటింగ్‌లో జాయిన్ అయ్యాడు. ఈ విష‌యాన్ని చిత్రబృందంసోష‌ల్ మీడియాలో ఓ ఫోటో ద్వారా తెలియ‌జేసింది. ఇప్పటికే ఈ చిత్రం నుంచి వ‌చ్చిన ప‌వ‌న్ లుక్ అదిరిపోయింద‌ని ఫ్యాన్స్ సోషల్ మీడియాలో పోస్టులు పెడుతున్నారు.

ఇవి కూడా చదవండి:

మరీ దారుణం.. చికెన్ కోసం ఎన్టీఆర్ ఇలా చేశారేంటి!  

Adipurush :10 వేల ‘ఆదిపురుష్’ టికెట్లు బుక్ చేసిన అగ్ర హీరో