‘ఉట్టి మీద కూడు’ సాంగ్‌కు డాన్స్ ఇరగదీసిన పల్లవి ప్రశాంత్-రతిక రోజ్.. వైరలవుతోన్న వీడియో

దిశ, సినిమా: నాగార్జున హోస్ట్‌గా వ్యవహరించిన బిగ్‌బాస్ సీజన్-7 లో కంటెస్టెంట్స్‌గా అడుగుపెట్టిన పల్లవి ప్రశాంత్ -రతిక రోజ్ గురించి సుపరిచితమే. హౌస్‌లో వీరిద్దరి మధ్య లవ్ ట్రాక్.. కామెడీ, గొడవలు అన్ని తెలిసిందే. దీంతో రతిక రోజ్ బిహేవియర్‌ను తప్పు బట్టి సోషల్ మీడియాలో జనాలు దుమ్మెత్తిపోశారు. ఈ కారణంగా రతిక ప్రేక్షకుల మనసులో బ్యాడ్ నేమ్ తెచ్చుకుంది. ఇక చివరకు పల్లవి ప్రశాంత్ విజయం సాధించి.. అందరికీ సరైన బుద్ధి చెప్పాడు. ఇదంతా పక్కన పెడితే..

బుల్లితెర యాంకర్ శ్రీముఖి బీబీ ఉత్సవం పేరుతో స్పెషల్ షో రూపొందించారు. ఈ షోలో బిగ్ బాస్ తెలుగు 7 కంటెస్టెంట్లందరూ పాల్గొన్నారు. తాజాగా ఈ షోకు సంబంధించిన ప్రోమో రిలీజ్ అయ్యింది. ఇందులో టేస్టీ తేజ.. శ్రీముఖిపై ఫన్నీ ఫన్నీగా కామెంట్స్ వేస్తాడు. అలాగే అమర్‌దీప్‌కు ఫన్నీ పరీక్ష పెడతారు. ఒక చీర ఆరడానికి 30 మినిట్స్ సమయం పడితే 30 చీరలు ఆరడానికి ఎంత టైమ్ పడుతుంది? అని అడుగుతారు.

అమర్ చెప్పిన సమాధానానికి శివాజీ.. రెండు జేబుల్లో చేతులు పెట్టుకుని వెళ్ళిపోతాడు. నయని పావని శివాజీని గట్టిగా హగ్ చేసుకుని ఏడుస్తుంది. ఇక చివరగా పల్లవి ప్రశాంత్ అండ్ రతిక రోజ్ ‘ఉట్టి మీద కూడు’ అనే పాటకు స్టెప్పులేస్తారు. డాన్స్ చేశాక అనంతరం రతిక.. ప్రశాంత్‌కు సారీ చెబుతుంది. హౌస్ ఉండగా చిన్న మిస్ అండర్‌స్టాండ్ వచ్చింది. మనసులో ఏమన్నా కోపం ఉంటే సారీ అని రతిక చెప్పగానే ప్రశాంత్ తెగ సిగ్గుపడిపోతాడు. ప్రస్తుతం దీనికి సంబంధించిన ప్రోమో సోషల్ మీడియాలో వైరల్ అవుతోంది.