‘విరూపాక్ష’ చూసి మన తల్లులు గర్వంగా ఫీల్ అవుతారు.. సాయి ధరమ్

దిశ, సినిమా : సాయిధరమ్ తేజ్ హీరోగా వస్తున్న పాన్ ఇండియా మూవీ ‘విరూపాక్ష’. కార్తీక్ దండు దర్శకత్వంలో శ్రీ వెంకటేశ్వర సినీ చిత్ర ఎల్‌ఎల్‌పీ, సుకుమార్ రైటింగ్స్ బ్యానర్స్‌పై బాపినీడు బి.సమర్పణలో బీవీఎస్‌ఎన్ ప్రసాద్ నిర్మించారు. ఏప్రిల్ 21న విడుదల కాబోతున్న సినిమాలోని పాత్రల పరిచయ కార్యక్రమంలో మాట్లాడిన ధరమ్ తేజ్.. ‘2019లోనే ఈ కథ విన్నాను. సుకుమార్‌ ఏదో లవ్ స్టోరీ చెబుతారనుకున్నా. కానీ కార్తీక్ నన్ను భయపెట్టాడు. ఈ సినిమా బ్లాక్ బస్టర్ హిట్ అవుతుందని అప్పుడే ఫిక్స్ అయ్యాను. ఈ సినిమాను చూసి మా అమ్మ, మీ అమ్మగారు గర్వంగా చెప్పుకుంటారు’ అన్నాడు. అలాగే ఈ ఫిక్షన్ స్టోరీ అందరికీ రీచ్ అవుతుందనే కారణంతో పాన్ ఇండియా లెవల్లో రిలీజ్ చేస్తున్నామని, తమ సినిమాను ఆదరించి బిగ్ హిట్ ఇవ్వాలని చిత్రబృందం కోరింది.

ఇవి కూడా చదవండి: స్టార్ హీరో కొడుకుతో డేటింగ్.. క్లారిటీ ఇచ్చిన పాలక్