ప్రభాస్ నెక్స్ట్ సినిమాలో చాన్స్ కొట్టేసిన Nidhhi Agerwal..

దిశ, సినిమా: స్టార్ హీరో ప్రభాస్ ప్రజెంట్ ‘సలార్’ మూవీతో ప్రేక్షకుల ముందుకు వచ్చేందుకు సిద్ధంగా ఉన్నాడు. ఇక ఈ సినిమా తర్వాత ప్రభాస్ చేతిలో ఇంకా మూడు పాన్ ఇండియా చిత్రాలు ఉన్నాయి. అందులో మారుతి దర్శకత్వంలో వస్తున్న ‘రాజా డీలక్స్’ కూడా ఒకటి. అయితే మారుతి దర్శకత్వంలో చిత్రాలు అంటే కామెడీ నేపథ్యంలో ప్రేక్షకులను ఎంటర్‌టైన్ చేస్తుంటాయి. మరి ప్రభాస్‌ను ఆ తరహా జోవియల్ రోల్‌లో మారుతి చూపించబోతుండగా.. అభిమానులు ఈ చిత్రం కోసం ఎదురుచూస్తున్నారు. అయితే తాజా సమాచారం ప్రకారం ఈ మూవీలో హీరోయిన్‌గా హీరోయిన్ నిధి అగర్వాల్ ఓకే అయినట్టు తెలుస్తోంది. ఆమె పుట్టిన రోజు కావడంతో దర్శకుడు మారుతి ‘జన్మదిన శుభాకాంక్షలు డియరెస్ట్ నిధి అగర్వాల్.. భవిష్యత్‌లో మీ ప్రతీ ఒక్క ప్రయత్నానికి ఆల్ ది బెస్ట్. త్వరలో సెట్స్‌పై కలుద్దాం’ అంటూ తన పిక్‌ను షేర్ చేశాడు. దీంతో ఈ మూవీలో ప్రభాస్‌కు జోడీగా నిధి అగర్వాల్ ఓకే అయినట్టు తెలుస్తోంది.