అన్ని మూవీస్‌లో రొటీన్ యాక్టింగ్ అంటూ శ్రీలీల గాలి తీసేస్తున్న నెటిజన్స్

దిశ, సినిమా: ప్రస్తుతం టాలీవుడ్‌లో సినిమాలతో దూసుకుపోతున్న హీరోయిన్ శ్రీలీల. రీసెంట్‌గా బాలయ్య డాటర్‌గా ‘భగవంతు కేసరి’లో కనిపించి ప్రశంసలు అందుకున్న ఆమె.. ‘ఆదికేశవ’తో నవంబర్ 24న ప్రేక్షకుల ముందుకు రానుంది. అయితే తాజాగా విడుదలైన ఈ సినిమా ట్రైలర్ చూసి నెటిజన్స్ ఊహించని విధంగా కామెంట్స్ చేస్తున్నారు. ఇప్పటి వరకు వచ్చిన అన్ని సినిమాల్లో శ్రీలీల రొటీన్ పాత్రలు చేస్తుందని, నటనలో కూడా ఇంప్రూవ్‌మెంట్ ఏమీ లేదని అంటున్నారు. ‘ధమాకా’ నుంచి ‘స్కంద’ వరకు ఇలాగే కనిపిస్తుందని విమర్శిస్తున్నారు.

‘వరుస అవకాశాలు అందుకోవడం గొప్ప కాదు నటనలో ప్రతిభ కనబరచాలి’ అని సూచిస్తున్నారు. కనీసం మహేష్‌తో నటిస్తున్న ‘గుంటూరు కారం’లోనైనా శ్రీలీల పాత్ర బాగుండాలని అంటున్నారు. ఫ్యూచర్‌లో ప్రభాస్‌తో జతకట్టనుంది కాబట్టి ఇప్పటికైనా యాక్టింగ్‌లో మార్పులు రావాలని.. లేదంటే ఎక్కువ కాలం తెరపై కనిపించడం కష్టమేనని విమర్శిస్తున్నారు.