టాకీ పూర్తి చేసుకున్న ‘దిల్ వాలా’.. ఏప్రిల్‌లో విడుదల..?

దిశ, సినిమా: నరేష్ అగస్త్య హీరోగా డెక్కన్ డ్రీమ్ వర్క్స్ బ్యానర్‌పై నబిషేక్, తూము నర్సింహా పటేల్ నిర్మిస్తున్న చిత్రం ‘దిల్ వాలా’. దర్శకుడు వీరభద్రమ్ చౌదరి తెరకెక్కిస్తు్న్న క్రైమ్ కామెడీ వైజాగ్‌లో 20 రోజుల షూటింగ్‌తో టాకీ పార్ట్ పూర్తిచేసుకుంది. ఈ సందర్భంగా ఏర్పాటు చేసిన కార్యక్రమంలో వీరభద్రమ్ మాట్లాడుతూ.. ‘నిర్మాతలు ఎక్కడా రాజీపడకుండా ఈ చిత్రం కోసం చాలా ఖర్చు చేశారు. వైజాగ్‌లోని అందమైన లోకేషన్స్‌లో సినిమాను చిత్రీకరించాం. వైజాగ్‌లోనే నరేష్ అగస్త్య, రాజేంద్రప్రసాద్, హీరోయిన్ శ్వేత అవస్తి, ప్రగ్యా నైనా, అలీ రెజాలపై కీలక సన్నివేశాలతో పాటు ఓ పాటని చిత్రీకరించాం. దీంతో 95 శాతం చిత్రీకరణ పూర్తయింది. మరో రెండు పాటల చిత్రీకరణ చేయాల్సివుండగా.. బ్యాంకాక్‌లో ప్లాన్ చేస్తున్నాం. మార్చిలో పోస్ట్ ప్రొడక్షన్ పనులన్నీ పూర్తి చేసి ఏప్రిల్‌లో విడుదల చేయడానికి సన్నాహాలు చేస్తున్నాం’ అన్నాడు.