నమ్రత బర్త్‌ డే పార్టీలో స్పెషల్‌ అట్రాక్షన్‌గా నిలిచిన నారా బ్రాహ్మణి అండ్ బన్నీ సతీమణి

దిశ, సినిమా: టాలీవుడ్ సూపర్ స్టార్ మహేష్ బాబు భార్య నమ్రత గురించి ప్రత్యేకంగా చెప్పనవసరం లేదు. ఈమె ముంబయిలో పుట్టి పెరిగిన ఒక హీరోయిన్‌ తెలుగింటి కోడలు కావడం విశేషం. అలాగే ఇక్కడి పద్ధతులు, సంప్రదాయాలు పాటిస్తూ.. అనుగుణంగా నడుచుకోవడం గొప్ప విషయమని చెప్పుకోవచ్చు. పైగా మహేష్ బాబు-నమ్రత లవ్ మ్యారేజ్ చేసుకున్నారు. సినీ ఇండస్ట్రీలోని పలువురు సెలబ్రిటీలు ప్రేమ వివాహాలు చేసుకున్నవారు ఉన్నారు.

అందులో కొన్ని కపుల్స్ ఏడాది రెండేళ్లకే మనస్పర్థాల కారణంగా డివోర్స్ తీసుకుని ఎవరి దారి వారు చూసుకుంటున్నారు. మరొకరితో ప్రేమలో పడుతున్నారు. ఈ విషయాన్ని కూడా అఫిషీయల్‌గా ప్రకటిస్తున్నారు. ఇలాంటి రోజుల్లో నమ్రత - మహేష్ ఇప్పటి ఎంతో అన్యోన్యంగా ఉండటం గొప్ప విషయం. వీరి జంటను చూసి అందరూ బెస్ట్ కపుల్ అని చెప్పుకుంటారు. ఈమె సోషల్ మీడియాలో యాక్టివ్ గా ఉంటూ తన ఫ్యామిలీ వెకషన్స్ అండ్ పిల్లల ఫొటోలు, ముఖ్యంగా సితార డాన్స్ వీడియోలు నెట్టింట ఫ్యాన్స్ తో షేర్ చేసుకుంటుంది.

అయితే నమ్రతా శిరోద్కర్‌ జనవరి 22 న 31 వ సంవత్సరంలోకి అడుగుపెట్టిన సంగతి తెలిసిందే. కాగా తన బర్త్ డే సెలబ్రేషన్స్ చాలా గ్రాండ్‌గా జరిగాయి. ఈ సందర్భంగా జర్మనీలో ఉన్న మహేశ్‌ నమ్రతకు సోషల్‌ మీడియా వేదికగా ప్రత్యేకంగా శుభాకాంక్షలు తెలియజేశారు. నమ్రత తన పుట్టిన రోజుకు ఫ్రెండ్స్, సన్నిహితులు, బంధువులను ఆహ్వానించింది. ఈ పార్టీకి అల్లు అర్జున్ సతీమణి స్నేహా రెడ్డి, దర్శకుడు సుకుమార్ భార్య తబిత.. అలాగే టీడీపీ నాయకులు నారా లోకేశ్‌ సతీమణి నారా బ్రాహ్మణి కూడా హాజరవ్వడం హైలెట్‌గా నిలిచింది. వీరితో పాటు పార్టీలో సితార, గౌతమ్ కూడా సందడి చేస్తున్న పిక్స్ నెట్టింట వైరల్ అవుతున్నాయి.