'నన్ను నన్నుగా'.. ఆకట్టుకుంటున్న 'రంగమార్తాండ' సెకండ్ సింగిల్

దిశ, సినిమా: ప్రకాష్ రాజ్, రమ్యకృష్ణ ప్రధాన పాత్రలో రాబోతున్న చిత్రం 'రంగమార్తాండ'. క్రియేటివ్ డైరెక్టర్ కృష్ణవంశీ తెరకెక్కిస్తున్న ఈ సినిమా నుంచి ఇటీవల విడుదలైన ఫస్ట్ సింగిల్.. 'షాయరి' భారీ ప్రేక్షకాదరణ పొందింది. అంతేకాదు మెగాస్టార్ చిరంజీవి తనదైన శైలిలో చెప్పిన ఈ షాయరీని రచయిత లక్ష్మీ భూపాల రచించగా పలువురు ప్రశంసలు కురిపించారు. ఈ క్రమంలోనే తాజాగా విడుదలైన సెకండ్ సింగిల్ 'నన్ను నన్నుగా' అభిమానులకు ఆకట్టుకుంటోంది. దీనికి సిరివెన్నెల సీతారామశాస్త్రి సాహిత్యం అందించగా సినిమాకు మాస్ట్రో ఇళయరాజా నేపధ్య సంగీతం అందించాడు. రాహుల్ సిప్లిగంజ్, శివాత్మిక రాజశేఖర్ ఈ సాంగ్‌లో నటించారు. ఇక రంగస్థల కళాకారుల జీవితాల చుట్టూ అల్లిన కథలో బ్రహ్మానందం, ఆదర్శ్ బాలకృష్ణ, అలీ రెజా, అనసూయ, కీలక పాత్రలో కనిపించనుండగా 2023 డిసెంబర్ 10న ఈ మూవీ విడుదల కానుంది.