సినిమాల్లోకి మహేష్ బాబు తనయుడు ఎంట్రీ.. అప్‌డేట్ ఇచ్చిన నమ్రతా

దిశ, వెబ్‌డెస్క్: సూపర్ స్టార్ మహేశ్ బాబు వారసుడు ఘట్టమనేని స్టార్ కిడ్ గౌతమ్ గురించి ప్రత్యేకంగా చెప్పనవసరం లేదు. ‘1- నేనొక్కడినే’ సినిమాతో ఆల్రెడీ వెండితెర ఎంట్రీ ఇచ్చాడు ఈ హ్యాండ్ సమ్ బాయ్. కానీ, ఆ తర్వాత ఏ సినిమాల్లోనూ నటించలేదు. దీంతో మహేష్ అభిమానులు తన అభిమాన హీరో కొడుకు ఎప్పుడెప్పుడు సినిమాల్లోకి ఎంట్రీ ఇస్తాడా అని ఎంతగానో ఎదురు చూస్తున్నారు.

ఇదిలా ఉంటే.. ఘట్టమనేని గారాల పట్టి సితారా అంతర్జాతీయ బ్రాండ్ పీఎంజే జ్యూవెలరీకి అంబాసిడర్‌గా మారారు. ఈ రోజు ఇండియాలో బ్రాంచ్ ఓపెనింగ్ సందర్భంగా ప్రెస్ మీట్ నిర్వహించగా.. అందులో గౌతమ్ ఇండస్ట్రీ ఎంట్రీ గురించి నమ్రతా అప్ డేట్ ఇచ్చారు. ఈ సందర్భంగా ఆమె మాట్లాడుతూ.. ఇప్పట్లో గౌతమ్ సినిమాల్లోకి రాకపోవచ్చు. ప్రస్తుతం గౌతమ్‌కి 16 ఏళ్లు. ఇప్పుడు తన పూర్తి ఫోకస్ స్టడీస్ పైనే ఉన్నాయి. మున్ముందు గ్రాడ్యుయేషన్ పూర్తి చేయాలనే ఆలోచనలో ఉన్నాడు. కాబట్టి సినిమాల్లోకి అప్పుడే రాకపోవచ్చు’’ అంటూ చెప్పుకొచ్చారు నమ్రతా శిరోద్కర్.