Akkineni Naga Chaitanya : 'కస్టడీ' రీలీజ్ డేట్ ఫిక్స్..

దిశ, సినిమా: అక్కినేని నాగచైతన్య ఈ ఏడాది వరుస ఫ్లాప్‌లతో నిరాశ చెందాడు. ఈ నేపథ్యంలోనే అప్‌కమింగ్ మూవీపై ఫుల్ కాన్సంట్రేట్ చేశాడు. ప్రస్తుతం కోలీవుడ్ స్టార్ డైరెక్టర్ వెంకట్ ప్రభు‌తో రూపొందుతున్న ప్రతిష్టాత్మక తెలుగు-తమిళ ద్విభాషా చిత్రం 'కస్టడీ'లో అతడు సరి కొత్త పాత్రలో కనిపించనున్నాడు. ఇక ఈ మూవీకి సంబంధించిన టైటిల్ పోస్టర్, ఫస్ట్ లుక్‌ని నాగ చైతన్య పుట్టినరోజు సందర్భంగా విడుదల చేశారు. ఇది ప్రేక్షకులను ఎంతగానో ఆకట్టుకుంది. అయితే తాజాగా మేకర్స్ "కస్టడీ" థియేట్రికల్ రిలీజ్ డేట్‌ని లాక్ చేశారు. సెలవులను సద్వినియోగం చేసుకునేలా ఈ చిత్రాన్ని 2023, మే 12న ప్రపంచ వ్యాప్తంగా గ్రాండ్‌గా విడుదల చేయనున్నట్లు ప్రకటించారు. ఈ చిత్రం తెలుగు, తమిళ భాషల్లో ఏకకాలంలో విడుదల కానుంది. అరవింద్ స్వామి విలన్‌గా నటిస్తున్న ఈ సినిమాలో కృతి శెట్టి నాగ చైతన్యకి జోడిగా నటిస్తోంది.