10 ఏళ్ళ తర్వాత చైతన్యతో రొమాన్స్ చేయబోతున్న స్టార్ హీరోయిన్.. విచిత్రం ఏంటంటే?

దిశ, సినిమా: ప్రస్తుతం నాగచైతన్య కార్తికేయ-2 లాంటి పాన్ ఇండియా బ్లాక్ బస్టర్ కొట్టిన చందు మొండేటి దర్శకత్వంలో ‘తండేల్’ చిత్రంలో నటిస్తున్నాడు. ఈ సినిమాలో చైతన్య బోట్ నడిపే మత్స్యకారుడి గా కనిపించనున్నాడు. నేచురల్ బ్యూటీ సాయిపల్లవి కథానాయికగా నటిస్తోన్న ఈ మూవీ కోసం నాగ చైతన్య బాడీ ట్రాన్స్ఫర్మేషన్ కూడా చేయించుకున్నట్లు సమాచారం. భారీ బడ్జెట్ తో రూపొందుతోన్న ఈ చిత్రంలో శ్రీకాకుళం యాసలో డైలాగ్స్ ఉండబోతున్నాయట.

చందు మొండేటి ఫస్ట్ నుంచే ఈ మూవీపై ప్రేక్షకుల్లో భారీ హైప్ పెంచుతున్నాడు. ఇప్పటికే రిలీజైన పలు పోస్టర్లకు ప్రేక్షకుల నుంచి మంచి రెస్పాన్స్ లభించింది. అయితే తండేల్ చిత్రం సెట్స్ పై ఉండగానే చైతూ కు వరుస అవకాశాలు వస్తున్నాయి. విరూపాక్ష సినిమాతో ఆడియన్స్ దృష్టిని ఆకర్షించిన కార్తీక్ దండు డైరెక్షన్ లో చైతూ ఓ చిత్రం చేయనున్నాడట. ఇందుకోసం హీరోను అప్రోచ్ అవ్వగా గ్రీన్ సిగ్నల్ ఇచ్చాడని సమాచారం.

విరూపాక్ష సినిమాను వైవిధ్యమైన కాన్సెప్ట్ తో ఏ విధంగా ప్రేక్షకుల ముందుకు తీసుకొచ్చాడో.. నాగచైతన్య కోసం మిస్టరీ థ్రిల్లర్ అంశాలతో అదిరిపోయే స్టోరీని సిద్ధం చేసి పెట్టాడట. కార్తీక్ దర్శకత్వంలో వచ్చే ఈ సినిమాలో నాగచైతన్య కు జోడిగా టాలీవుడ్ హీరోయిన్ పూజా హెగ్డేను ఫిక్స్ చేసినట్లు తాజాగా సోషల్ మీడియాలో టాక్ వినిపిస్తుంది. ఆల్రెడీ వీరిద్దరి కాంబినేషన్ లో గతంలో ‘ఒక లైలా కోసం’ సినిమా వచ్చిన విషయం తెలిసిందే.

కానీ ఈ చిత్రం బాక్సాఫీసు వద్ద పెద్దగా ఆడలేకపోయింది. ఇక్కడ ఆశ్చర్యకరమైన విషయం ఏంటంటే..? ఈ సినిమా వచ్చినప్పుడు పూజా స్టార్ హీరోయిన్ కాదు.. పదేళ్ల తర్వాత ఇప్పుడు చైతూ సరసన నటించబోతున్న ఈ సమయంలో కూడా స్టార్ హీరోయిన్ స్టేటస్ పోయింది. వరుస ప్లాపులతో సతమతమవుతోంది పాపం. ప్రస్తుతం పూజా హెగ్డే చేతిలో ఒక్క సినిమా కూడా లేదు అంటూ నెటిజన్లు కామెంట్లు పెడుతున్నారు. మరీ నాగచైతన్య-పూజా హెగ్డే జోడిపై అఫిషీయల్ అనౌన్స్‌మెంట్ రావాల్సి ఉంది.